સુરતના કામરેજમાં ઘલુડી ગામે સગા ભાઈએજ તેની બહેનની હત્યાનો પ્રયાસ કર્યો છે. જેમા ભાઈએ તેની બહેનના ગળે છરી ફેરવીને તેની હત્યા કરવાનો પ્રયાસ કર્યો. જોકે યુવતી હાલ સહિ સલામત હોસ્પિટલમાં સારવાર હેઠળ છે.
સુરતમાં ભાઈએ તેની બહેનની હત્યાનો કર્યો પ્રયાસ
સગા ભાઈએ તેની બહેનના ગળા પર છરી ફેરવી
ઈજાગ્રસ્ત યુવતી હાલ હોસ્પિટલમાં સારવાર હેઠળ
સુરતમાં ગ્રીષ્મા વેકરિયા હત્યા કેસને લઈને પહેલાથી લોકોમાં રોષનો માહોલ ફેલાયો છે. ત્યારે અહીયા વધુમાં ફરી એક યુવતી જીવલેણ હુમલાનો બનાવ સામે આવ્યો છે. જેને લઈને ચકચાર મચી જવા પામી છે. સાથેજ હવે અહીયા યુવતીઓ પર થઈ રહેલા હુમલાના પ્રયાસોને લઈને મહિલાઓની સુરક્ષાને લઈને પણ સવાલો ઉઠી રહ્યા છે.
સગા ભાઈએ બહેનની હત્યાનો પ્રયાસ કર્યો
શહેરના કામરેજના ઘલુડી ગામે યુવતી પર જીવલેણ હુમલાનો બનાવ સામે આવ્યો છે. જેમા સાંભળીને આપને નવાઈ લાગશે કે સગા ભાઈએ જ તેની બહેનની હત્યા કરવાનો પ્રયાસ કર્યો છે. જેમા તેણે ગળું કાપીને તેની બહેનની હત્યા કરવાનો પ્રયાસ કર્યો હતો.
ચારિત્ર પર શંકા રાખી ગળે છરી ફેરવી
પીડિતા પારિવારીક વિવાદને કારણે તેના પિયરમાં રહેવા આવી હતી. પરંતુ તેને ક્યા ખબર હતી કે તેનો સગો ભાઈ તેનો જીવ લેવાનો પ્રયાસ કરશે. ભાઈને તેના બહેનના ચારીત્ર પર શંકા હતી. જેથી શંકાને કારણે તેણે તેની બહેનનું ગળું કાપીને હત્યા કરવાનો પ્રયાસ કર્યો હતો. જોકે આ હુમલામાં યુવતી સદનસીબે બચી ગઈ છે.
ઈજાગ્રસ્ત યુવતી હોસ્પિટલમાં સારવાર હેઠળ
ઉલ્લેખનીય છે કે છરીથી ગળા પર હુમલો કરવાને કારણે યુવતી ગંભીર રીતે ઘાયલ થઈ હતી. જેથી તેને તાત્કાલીક હોસ્પિટલમાં સારવાર અર્થે ખસેડવામાં આવી. જે હોસ્પિટલમાં હાલ સારવાર હેઠળ છે અને સહિ સલામત છે. બીજી તરફ યુવતીના ભાઈ સામે હત્યાના પ્રયાસનો ગુનો નોંધવામાં આવ્યો છે અને તેની સામે પોલીસે કાયદેસરની કાર્યવાહી હાથ ધરી છે.