સુરતમાં 7 વર્ષની બાળકીએ રડતાં રડતાં જણાવ્યું કે, અંકલને મેરે સાથ ગંદા કામ કિયા ઓર 50 રૂપિયા દેકર બોલે મમ્મી પપ્પા કો મત બતાના વરના...
સુરતનો હેવાનિયત ભર્યો કિસ્સો
પાડોશીએ 7 વર્ષની માસૂમ બાળકીને પીખી
ફરાર આરોપીની શોધખોળ તેજ કરાઇ
સુરતના કીમ ચાર રસ્તા વિસ્તારમાં હેવાન પાડોશીએ 7 વર્ષની માસૂમ બાળકીને પીંખી નાખી છે. ઘર બહાર રમતી માસૂમ બાળકીને ઘરમાં ખેંચી નારાધમે દુષ્કર્મ આચર્યું હતું. એટલું જ નહીં નરાધમે પાડોશીએ કરેલા કૃત્યને છૂપાવવા માટે બાળકીને 50 રૂપિયા આપ્યા અને જાનથી મારી નાખવાની ધમકી પણ આપી હતી. દુષ્કર્મ આચરી નરાધમ ફરાર થયો છે. ત્યારે પોલીસે પણ આરોપીને પકડવા ચક્રોગતિમાન કર્યા છે.
પીડિત બાળકીના પિતા નોકરી પરથી ઘરે પરત આવ્યા બાદ રૂમમાં 7 વર્ષની દીકરી રડી રહી હતી. તેની માતાએ બાળકીને પૂછતાં સમગ્ર ઘટના બહાર આવી હતી. માતાએ પીડિત દીકરીની પૂછપરછ કરતા તેણે રડતાં રડતાં જણાવ્યું કે, અંકલને મેરે સાથ ગંદા કામ કિયા ઓર 50 રૂપિયા દેકર બોલે મમ્મી પપ્પા કો મત બતાના વરના મુજે માર દેંગે... ઉનકો જેલ હો જાયેંગી બાળકીના મોઢેથી આ સાંભળી હાજર રહેલા તમામ લોકોના પગ તળેથી જમીન ખસી ગઈ હતી.
બાળકી ઉપર થયેલ દુષ્કર્મને લઈ બાળકીની હાલત નાજુક થઈ હતી. જેથી તેને હોસ્પિટલ ખસેડવામાં આવી હતી. જ્યાં તેના મેડિકલ ચેકઅપ કરી તેને દાખલ કરવામાં આવી હતી. હાલ સુરતની સિવિલ હોસ્પિટલ ખાતે પીડિત બાળકીની સારવાર ચાલી રહી બાળકીની હાલત ખૂબ નાજૂક છે.
સુરતમાં દિવસેને દિવસે ગુનાખોરીના પ્રમાણમાં સતત વધારો થઈ રહ્યો છે. ગુનેગારોને પોલીસનો જાણે કોઈ ખોફ જ ન હોય તેમ એક પછી એક ગુનાઓને અંજામ આપવામાં સફળ થઈ રહ્યા છે. 7 વર્ષની માસૂમ પર અત્યાચાર બાદ પીડિત બાળકીના માતા-પિતાએ કોસંબા પોલીસ મથકમાં ફરિયાદ નોંધાવી છે. કોસંબા પોલીસે ફરિયાદ નોંધી ફરાર પાડોશીની શોધખોળ હાથ ધરી છે.