સુરતમાં આમ આદમી પાર્ટીના 4 કોર્પોરેટરો છેલ્લા 4 દિવસથી ગાયબ છે. આ કોર્પોરેટરો ભાજપમાં જોડાય તેવી શક્યતા સેવાઈ રહી છે. જેથી આમ આદમી પાર્ટીને મોટો ફટકો પડી શકે છે.
સુરતમાં આપના 4 કોર્પોરેટરો 4 દિવસથી ગુમ
કોર્પોરેટરો ભાજપમાં જોડાય તેવી પ્રબળ શક્યતા
પાટીદાર યુવા નેતા આપમાં કરાવી શકે છે મોટું ભંગાણ
એક તરફ ગુજરાતમાં વિધાનસભા ચૂંટણી નજીક આવી રહી છે. ત્યારે બીજી તરફ રાજ્યમાં આમ આદમી પાર્ટી ભંગાણને આરે હોય તેવું લાગી રહ્યું છે. મહેશ સવાણી અને વિજય સુવાળા બાદ સુરતમાં હવે કોર્પોરેટરો પણ આપનો સાથ છોડે તેવી શક્યતા સેવાઈ રહી છે. કારણકે આમઆદમી પાર્ટીના 4 કોર્પોરેટરો 4 દિવસથી ગાયબ છે.
AAP દ્વારા ભાજપ પર ગંભીર આક્ષેપો લગાવામાં આવ્યા
કોર્પોરેટરો ગાયબ થવાને લઈને મોટી સંખ્યામાં તેઓ પાર્ટી છોડી શકે તેવા એંધાણ દેખાઈ રહ્યા છે. જેથી આમ આદમી પાર્ટીમાં હાલ હડકંપ મચી ઉઠ્યો છે. જોકે જે પણ કોર્પોરેટરો ગાયબ થયા છે તેઓ કોઈ પાટીદાર યુવા નેતાના સંપર્કમાં છે તેવી માહિતી સામે આવી છે. જેથી AAP દ્વારા ભાજપ પર આ મુદ્દે હવે ગંભીર આક્ષેપો લગાવામાં આવી રહ્યા છે.
કોર્પોરેટરો જો ભાજપમાં જોડાશે તો આપને પડશે મોટો ફટકો
આમ આદમી પાર્ટી દ્વારા એવા આક્ષેપો કરવામાં આવ્યા છે કે ભાજપ દ્વારા આપના કોર્પોરેટરોને ખરીદવામાં આવી રહ્યા છે. જોકે જો આ કોર્પોરેટરો AAPમાં જોડાયા તો પાર્ટીને મોટો ફટકો પડી શકે છે. નારાજ થયેલા કોર્પોરેટરો ભાજપમાં જોડાય તેવી શક્યતા સેવાઈ રહી છે. જેમા તેઓ ભાજપ કાર્યાલય કમલમમાં જોડાય તેવી શક્યતા.
કમલમ ખાતે કોર્પોરેટરો આપમાં જોડાય તેવી શક્યતા
હાલ તો જોકે ભાજપ પણ વેઈટ એન્ડ વોચના મોડમાં છે અને તમામ કોર્પોરેટરો ગાંધીનગરમાં હોવાની ચર્ચાએ જોર પકડ્યું છે. સાથેજ આ કોર્પોરેટરો ભાજપ કાર્યાલાય કમલમમાં જોડાય તેવી શક્યતા છે. ત્યારે જે પણ કોર્પોરેટરો ગાયબ થયા છે તેમના નામ નીચે મુજબ છે. જેઓ બાજપમાં જોડાય તેવી શક્યતા છે.
વોર્ડ 3 ઋતા કેયુર કકડીયા
વોર્ડ 2 ભાવના ચીમન સોલંકી
વોર્ડ 16 વિપુલ ધીરુભાઈ મોવલિયા
વોર્ડ 8 જ્યોતિકા લાઠીયા
વોર્ડ 5 મનીષા કુકડીયા
અગાઉ મહેશ સવાણી અને વિજય સુવાળાએ પક્ષ છોડ્યો હતો
ઉલ્લેખનીય છે ચૂંટણી નજીક આવી રહી છે ત્યારે આવા સમયે એકાએક કોર્પોરેટરો પક્ષ પલટો કરે તેવી શક્યતા સેવાઈ રહી છે. અગાઉ મહેશ સવાણી અને વિજય સુવાળા આપનો સાથ છોડી ચુક્યા છે. ત્યારે વધુમાં બીજા 4 કોર્પોરેટરો ગાયબ થયા છે. જેથી આમ આદમી પાર્ટીમાં ટૂંક સમયે મોટું ભંગાણ થાય તેવી શક્યતા સેવાઈ રહી છે.