દુખદ / VIDEO : સ્ટેજ પર ચક્કર ખાઈને ઢળી પડ્યાં નીતિન ગડકરી, રાજ્યપાલે હાથનો ટેકો દઈને જાળવ્યાં, જુઓ વીડિયો

• બંગાળના સિલિગુડીના કાર્યક્રમમાં નીતિન ગડકરીનું શુગર લેવલ વધ્યું
• ચક્કર ખાઈને બાજુમાં ઊભેલા ઢળી પડ્યાં
• બાજુમાં ઊભેલા રાજ્યપાલે હાથનો ટેકો દઈને જાળવી લીધા 

એક કાર્યક્રમ દરમિયાન કેન્દ્રીય પરિવહન મંત્રી નીતિન ગડકરીની તબિયત અચાનક બગડી હતી. ગડકરી આ કાર્યક્રમમાં ભાગ લેવા માટે પશ્ચિમ બંગાળના સિલિગુડીના દગાપુરમાં હતા. આ પછી, નજીકની હોસ્પિટલની ટીમ સ્થળ પર પહોંચી હતી અને તેમને પ્રાથમિક સારવાર આપવામાં આવી હતી.  સુગર લેવલ ઓછું થવાને કારણે નિતિન ગડકરીની તબિયત બગડી હતી. તેમને ચક્કર આવ્યા હતા અને તેઓ બાજુમાં ઊભેલા રાજ્યપાલ વિદ્યાસાગર રાવના હાથમાં ઢળી પડ્યાં હતા. રાજ્યપાલે તેમના હાથનો ટેકો દઈને ગડકરીને જાળવી લીધા હતા. ત્યાર બાદ તેમને તાબડતોબ નજીકની હોસ્પિટલમાં લઈ જવાયા હતા જ્યાં હાલમાં તેમની તબિયત સારી હોવાનું જણાવાઈ રહ્યું છે. 

@nitin_gadkari Gadkari को स्टेज पर बेहोश हुए। स्टेज पर गिरने से पहले राज्यपाल विद्यासागर राव ने गडकरी को अपने हाथों में थामा। नितिन गडकरी को स्थानीय अस्पताल में भर्ती कराया गया है। गडकरी अहमदरनगर में महात्मा फुले कृषि यूनिवर्सिटी के दीक्षांत समारोह में मौजद थे।@sahiljoshii pic.twitter.com/2czbdEovi4

— Mumbai Tak (@mumbaitak) December 7, 2018

પશ્ચિમ બંગાળના સિલિગુડીમાં ઉદ્ધાટન માટે આવ્યાં હતા 
નીતિન ગડકરી યોજનાઓની ભેટ આપવા માટે પશ્ચિમ બંગાળના સિલિગુડી આવ્યા હતા. તેમણે સિલિગુડીમાં રૂ. 1206 કરોડનાં મૂલ્યનાં ત્રણ એનએચ પ્રોજેક્ટનું ઉદઘાટન કર્યું હતું અને શિલાન્યાસ કર્યો હતો. આ કાર્યક્રમ બાદ અચાનક તેમની તબિયત લથડી હતી. આ પછી સુકનાના પ્રાથમિક આરોગ્ય કેન્દ્રની ટીમ પહોંચી હતી અને તેમને પ્રાથમિક સારવાર આપી હતી. હવે નીતિન ગડકરીની તબિયત ઠીક હોવાનું કહેવાય છે.

ડિસેમ્બર 2018માં મહારાષ્ટ્રમાં પણ ચાલુ કાર્યક્રમમાં ગડકરીની તબિયત બગડી હતી 
 આ પહેલા ડિસેમ્બર 2018માં મહારાષ્ટ્રના અહમદનગરમાં એક કાર્યક્રમ દરમિયાન કેન્દ્રીય મંત્રી નિતિન ગડકરીની તબિયત લથડી હતી. ગડકરી સ્ટેજ પર જ બેહોશ થઈ ગયા. આ પ્રસંગે મહારાષ્ટ્રના રાજ્યપાલ સી.એચ.વિદ્યાસાગર રાવ પણ ઉપસ્થિત રહ્યા હતા. રાજ્યપાલે જ તેમને સ્ટેજ પર સંભાળ્યા હતા. આ પછી નીતિન ગડકરીને હોસ્પિટલ લઇ જવામાં આવ્યા હતા.