જ્યોતિષ / શેર-સટ્ટામાં આ લોકો હોય છે કિંગ, જેના હાથમાં હોય છે રાહુ રેખા, જીવે છે રાજા જેવું જીવન

શાસ્ત્ર મુજબ હથેળીમાં રહેલી રેખાઓ શુભ અને અશુભ પરિણામ તરફ ઈશારો કરે છે. આ રેખાઓ મુજબ વ્યક્તિના જીવન પર અસર પડતી હોય છે. વ્યક્તિનું સામાજિક, આર્થિક જીવન કેવું રહેશે તેનો અંદાજો પણ આ રેખાઓ ઉપરથી લગાવી શકાય છે. આવી જ એક રેખા હોય છે રાહુ રેખા. જો આ રેખા હથેળીમાં સ્પષ્ટ અને એકદમ સાફ હોય તો તેવા વ્યક્તિઓને અનેક સુખની પ્રાપ્તિ થાય છે. તેમને સટ્ટામાં, લોટરીમાં ધન લાભ થઈ શકે છે. માન સન્માન પણ મળે છે. આવો જાણીએ આ રાહુ રેખા વિશે.

• હથેળીમાં ક્યાં હોય છે રાહુ રેખા

હથેળીમાં મંગળથી નીકળી આ રેખા જીવન અને ભાગ્યની રેખામાં થઈને મસ્તિષ્ક રેખાને સ્પર્શે છે. અથવા તેમાંથી પસાર થઈને હૃદય રેખા સુધી જાય છે. હથેળીમાં રાહુ રેખા એકથી વધુ પણ હોઈ શકે છે.

વધુ વાંચો : ચોમાસામાં ખોળાની સમસ્યા થશે દૂર, બ્યુટી પ્રોડક્ટના બદલે માથામાં લગાવો રસોડાની આ વસ્તુઓ

• એકથી વધુ રાહુ રેખા

જો કોઈ વ્યક્તિના હાથમાં એકથી વધુ રાહુ રેખા હોય અને તે બધી જ રેખા સ્પષ્ટ હોય તો તેને શુભ માનવામાં આવે છે. આવા લોકોને પ્રશાસનિક પદ મળી શકે છે. આ લોકોને સટ્ટા બજારમાં કે લોટરીમાં પૈસાનો લાભ થાય છે. તેમને રાજનીતિમાં પણ સફળતા મળે છે. 

• જો રાહુ રેખા સ્પષ્ટ હોય તો...

જો હથેળીમાં રાહુની રેખા એકદમ સ્પષ્ટ હોય તેના પર કોઈ નિશાન ન હોય તો તેવા વ્યક્તિને ખૂબ માન સન્માન મળે છે. આવા લોકોને દેશ અને વિદેશમાંથી પણ પૈસા અને કીર્તિની પ્રાપ્તિ થાય છે. અન્ય ભૌતિક સુખ પણ મળે છે.

• જો દ્વીપ બને તો...

જે વ્યક્તિની હથેળીમાં મસ્તિષ્ક રેખા કે તેની કોઈ શાખા બુધ પર જાય અને ત્યાં દ્વીપ બને તો તેને પણ શુભ સંકેત માનવામાં આવે છે. તેમનું વ્યક્તિત્વ પ્રભાવશાળી હોય છે. તે અસહજ સ્થિતિમાં પણ શાંત બની રહે છે.આવા લોકોને રાજનીતિમાં જોરદાર સફળતા મળે છે. જીવનમાં ધનની પ્રાપ્તિ થાય છે.

(Disclaimer: અહીંયા આપેલી માહિતી સામાન્ય જાણકારીઓ અને માન્યતાઓ પર આધારિત છે. VTV ન્યૂઝ તેની પુષ્ટિ નથી કરતુ.)