ભારે પ્રેરણાદાયી / સસરાને સલામ ! વિધવા વહૂના સંસારમાં 'વસંત ખીલવી', કન્યાદાન કરીને ગાડી-લાખોની ગિફ્ટ આપી

• યુપીના સહારનપુરમાં અનોખો પ્રસંગ
• સસરાએ વિધવા વહૂનો સંસાર વસાવ્યો
• વહૂના લગ્ન કરાવીને સાસરે વળાવી 
• 2021માં પુત્ર જાતે ગોળી મારીને મરી જતા વહુ વિધવા થઈ 

સહારનપુરના સાવંત ખેડી ગામના પૂર્વ પ્રધાન જગપાલ સિંહે પોતાની વિધવા વહુના ધામધૂમથી પુનર્લગ્ન કરાવીને તેના સુખી સંસારમાં વસંત લાવી દીધી છે. 2021માં પુત્ર શુભમના ફાયરિંગ આપઘાત બાદ વિધવા વહૂની સ્થિતિ જોઈને સસરાં જગપાલ સિંહ કકળી ઉઠ્યાં હતા અને તેમનાથી વહૂની આવી હાલત જોવાતી નહોતી અને એક દિવસે તેમણે વહૂ માટે એવો નિર્ણય લીધો કે ગામ આખામાં ચર્ચાનો વિષય બન્યો. જગપાલ સિંહે પોતાની વિધવા વહુના ફક્ત લગ્ન જ ન કરાવ્યાં પરંતુ દીકરીનું દાન કરીને તેમને વિદાય પણ આપી. 

પુત્ર જાતે ગોળી મારીને મરી જતા જગપાલની પુત્ર વિધવા બની 
સહારનપુરના બડગાંવ શહેરના સાવંત ખેડી ગામના પૂર્વ પ્રધાન જગપાલ સિંહના પુત્ર શુભમ રાણાના લગ્ન વર્ષ 2021 માં મેરઠ જિલ્લાના સલવા ગામની રહેવાસી મોના સાથે થયા હતા. ઘરમાં લગ્નની ખુશી લાંબો સમય ટકી શકી નહીં. લગ્નના ત્રણ મહિના બાદ શુભમે પોતાને ગોળી મારીને આત્મહત્યા કરી લીધી હતી. પુત્રના અવસાન બાદ જગપાલસિંહનું દુઃખ વધુ વધી ગયું હતું. તે પોતાની વહુના ભવિષ્યની ચિંતા કરવા લાગ્યાં  તેમણે પુત્રવધૂને દીકરીનો દરજ્જો આપ્યો અને પરિવારના સભ્યોની સલાહ લઈને તેના ફરી લગ્ન કરવાનું નક્કી કર્યું. આ અંગે તેમણે પોતાની પુત્રવધૂનો અભિપ્રાય પણ માગ્યો હતો. વહુ જ્યારે માની ગઈ તો તેણે હરિયાણાના ગોલાની નિવાસી સાગર સાથે વહુના સંબંધ નક્કી કરી લીધા. સાગરના પહેલાથી જ પરિવાર સાથે સંબંધીઓ હતા. તે સંબંધમાં પૂર્વ પ્રધાન જગપાલ સિંહનો ભત્રીજો પણ લાગે છે અને 4 ડિસેમ્બરે તેમના લગ્ન પણ થઈ ગયા હતા. 

ગિફ્ટમાં ગાડી અને લાખો રુપિયા આપીને વહુને વળાવી સાસરે 
સિંહે પોતાની વહુનું કન્યાદાન પણ લીધું અને દીકરીની જેમ ઘરમાંથી વાજતે વાજતે વિદાય આપી આ પ્રસંગના સાક્ષી બનેલા ઘણા લોકો રડી પડ્યાં હતા. સસરા જગપાલ સિંહે દીકરી બનેલી પુત્રવધૂને મોંઘી કાર સહિત લાખો રુપિયાની ભેટ આપીને હસતાં હસતાં સાસરે વળાવી આપી હતી.