સુરત / કેવી રીતે હાથ ચાલ્યો હશે.! 6 વર્ષની દીકરીને ચોરીની શંકા રાખી દીધા ધગધગતા ડામ, સુરતનો આંખ ઉઘાડતો કિસ્સો

• સુરતના સચિન વિસ્તારમાં 6 વર્ષની બાળકીને ડામ આપ્યા
• 6 વર્ષની શ્રમિક પરિવારની બાળકી પર ચોરીની શંકા રાખી ડામ આપ્યા
• ગાંજાનું વેચાણ કરતા પતિ-પત્નીએ બાળકીને ડામ આપ્યાનો આક્ષેપ

માસુમ પર ફરી હત્યાચારની ઘટના સામે આવી છે સુરતના સચિન વિસ્તારમાં 6 વર્ષની બાળકીને ડામ આપ્યાની ઘટના પ્રકાશમાં આવી છે. ચોરીની શંકા રાખી બાળકીને ડામ આપ્યાનો આક્ષેપ કરાયો છે, જે મામલે પોલીસે કાયદેસરની કાર્યવાહી હાથ ધરી છે.

6 વર્ષની બાળકીને ચોરીની શંકામાં ડામ આપ્યા
સુરતના સચિન વિસ્તારમાં 6 વર્ષની બાળકીને ચોરીની શંકામાં તાલિબાની સજા આપ્યાની ઘટના પ્રકાશમાં આવી છે. પાપ્ત વિગતો મુજબ ગાંજાનું વેચાણ કરતા પતિ-પત્નીએ બાળકીને ડામ આપ્યાનો આક્ષેપ કર્યો છે. દંપતી બાળકી પાસે ગાંજાનું પેકિંગ કરાવતા હોવાનો પણ આક્ષેપ કરાયો છે. ડામ આપનાર દંપતી ગાંજાનું વેચાણ કરે છે અને જે લોકો બાળકી પાસે આ નશીલા પદાર્થનું પેકિંગ કરાવતા હતા. તેમજ તે દંપતિએ ચોરીની શંકા રાખી બાળકીને ડામ આપ્યાનું આક્ષેપ કરાયો છે.

પોલીસે કાર્યવાહી હાથધરી
સુરત ACP આર એલ માવાનીએ જણાવ્યું કે, શ્રમિક પરિવારની 7 વર્ષની બાળકી પર ચોરીના આક્ષેપ મૂકી આરોપી સાહિલ અને ખુશી તે બાળકીની પૂછપરછ કરી ત્યારબાદ તેઓ બાળકીને ડામ આપેલા તેમણે વધુમાં જણાવ્યું કે, ભોગ બનનાર બાળકીને સારવાર માટે સિવિલ હોસ્પિટલ ખાતે દાખલ કરવામાં આવેલી છે. પોલીસને આ મામલે જાણ થતા ફરિયાદ દાખલ કરેલી તેમજ આરોપીઓને પોલીસે ડિટેઈન કરી વધુ કાર્યવાહી હાથધરી છે.