રાજકોટમાં આખી રાત અનરાધાર વરસાદ વરસતા ઠેર ઠેર પાણી ભરાવવાની સમસ્યા સામે આવી છે. રાજ્યમાં મેઘો મન મૂકુીને વરસ્યો છે. હવામાન વિભાગે પણ ભારે વરસાદની આગાહી કરી હતી. જે બાદ ગઈ મોડી રાતે ભારે વરસાદ ખાબકતા શહેરના અનેક વિસ્તારોમાં પાણી ભરાયા છે. તો રેલવે સ્ટેસન અને બસ સ્ટેશનમાં પણ વરસાદી પાણી ફરી વળ્યા છે. જેના પગલે મુસાફરો પણ અટવાયા છે. એટલું જ નહીં મન મૂકીને વરસેલા વરસાદના લીધે લોકોનાં મકાનમાં પણ 4 ફૂટ જેટલું પાણી ભરાયુ છે. લોકોની ઘરવખખરી પણ પાણીમાં ડૂબતી નજરે પડી રહી છે... બીજી તરફ ઉપરવાળાની મહેરબાનીથી આજી નદીમાં પણ નવા નીરની આવક થઈ છે. જેથી આજી નદી પણ બે કાંઠે વહેતી થઈ છે. ખાસ કરીને વરસાદની એન્ટ્રી બાદ ગરમીથી ત્રાહિમામ પોકારી ગયેલો લોકોને પણ રાહત મળી છે.