નવી મેંગણીની જ્ઞાનજ્યોત વિદ્યાલયમાં સ્વીમીંગ શીખવવાના બહાને વિદ્યાર્થીની સાથે અડપલા કર્યાનો બનાવ બનતા શાળાનું વ્યવસ્થાપન કરતા દિનેશ નામક વ્યક્તિ સામે પોલીસ મથકમાં ફરિયાદ
નવી મેંગણીની જ્ઞાનજ્યોત વિદ્યાલયમાં છેડતી
સ્વિમિંગ શિખવાડવાના બહાને કરાયા અડપલા
લોધિકા પોલીસ મથકમાં વાલીઓએ નોંધાવી ફરિયાદ
રાજકોટ જીલ્લાના નવી મેંગણીના એક વિદ્યાલયમાં વિદ્યાર્થીનીની છેડતીનો બનાવ સામે આવતા હોબાળો મચી જવા પામ્યો છે.નવી મેંગણીની જ્ઞાનજ્યોત વિદ્યાલયમાં સ્વીમીંગ શીખવવાના બહાને વિદ્યાર્થીની સાથે અડપલા કર્યાનો બનાવ બનતા શાળાનું વ્યવસ્થાપન કરતા દિનેશ નામક વ્યક્તિ સામે લોધિકા પોલીસ મથકમાં ફરિયાદ નોંધાવવામાં આવી છે.
કોરોના કાળ પછી શાળાઓ ખુલતા જ શાળાનું વ્યવસ્થાપન સંભાળતા જ જ્ઞાનજ્યોતનાં દિનેશની દાઢ સળવળી. શાળામાં સ્વ્મીન્ગ્ના પાઠ ભણાવવા દિનેશ પોતાની ચેમ્બરમાં બોલાવી વિદ્યાર્થીની સાથે અડપલા કરતો હોવાની વાત બહાર આવી. ડર અને સંકોચના માર્યા કેટલીક છાત્રાઓ કાર્યાલયમાં શું થયું તે વાત કરતા ગભરાતી હતી. બાદમાં દિનેશ બેફામ બન્યો અને વધુ વિદ્યાર્થીઓ સાથે તેની હિમત ખુલવા લાગી. ધીમે-ધીમે વાત પ્રસરવા માંડતા કેટલાક વાલીઓએ હિમત દાખવી દિનેશ વિરુદ્ધ મોરચો જ માંડ્યો અને લોધિકા પોલીસ મથકમાં છેડતીની ફરિયાદ નોંધાવી છે.
શાળાકીય અભ્યાસમાં કેહેવાય છે કે, શાળા અમારી તીર્થ ભૂમિ જ્ઞાનગંગા જ્યાં વહે' પણ સ્વીમીંગના બહાને શાળાની વિદ્યાર્થીનીઓને પોતાની જ્ઞાન -ગંગામાં ડૂબકી લગાવવાના દિનેશના ઓરતા અધૂરા રહ્યા અને 'તરણકળા'ના સાતે'ય કોઠા જાણતો આ અભિમન્યુ વગર સ્વીંમિંગ પુલે ડૂબી ગયો છે તેની પોતાની ઈજ્જત,અને શાળાની જે આબરૂ ગઈ છે તે પણ જૂદી. નવી મેગણીમાં આ મુદ્દો ચર્ચાના સ્થાને રહ્યો છે.હવે ફરિયાદ બાદ પોલીસ દિનેશ પોલીસની કળાથી પણ વાકેફ થશે.