રાજકોટ મનપા જનરલ બોર્ડની બેઠક તોફાની બની અને બેઠકમાં મારામારીના દ્રશ્યો સર્જાયા હતા. રાજકોટમાં પ્રિ-મોન્સૂનની કામગીરીને લઇ મનપા વિપક્ષ દ્વારા ગૃહમાં હોબાળો કરવામાં આવ્યો. રાજકોટના પોપટપરા વિસ્તારમાં વરસાદી પાણી ભરાવાને લઇ પડી રહેલી હાલાકી મુદ્દે કોંગ્રેસના કોર્પોરેટરોએ રામધૂન બોલાવી હતી. ત્યારે આ દરમિયાન કોર્પોરેટર અને પોલીસ વચ્ચે ઘર્ષણ પણ સર્જાયું હતું. રાજકોટના અનેક વિસ્તારમાં રોડ-રસ્તાની બિસ્માર હાલત અને પાણી ભરાવાની સમસ્યાને લઇ વિપક્ષે ઉગ્ર વિરોધ કર્યો.