રાજકોટમાં પાણી પુરવઠા વિભાગના કાર્યપાલક ઈજનેરે પંપ હાઉનના કામનું બિલ પાસ કરાવા માટે લાંચ માગી હતી. જે મામલે એસીબીએ 25 હજારની લાંચ લેતા તેમને રંગેહાથ ઝડપી પાડ્યા છે.
રાજકોટમાં કાર્યપાલક ઈજનેર લાંચ લેતા ઝડપાયા
એસીબીએ છટકું ગોઠવીને તેને રંગે હાથ ઝડપી પાડ્યા
એરપોર્ટ રોડ પર ફાટક પાસે એસીબીએ છટકું ગોઠવ્યું હતું
એસીબી દ્વારા છટકું ગોઠવી લાંચીયા અધિકારીઓને અવાર નવાર ઝડપી પાડવામાં આવતા હોય છે. ત્યારે વધુમાં ફરી એસીબી દ્વારા રાજકોટમાં ટ્રેપ ગોઠવીને એક લાંચીયા અધિકારીને ઝડપી પાડવામાં આવ્યો છે. એસીબીના છટકામાં નાયબ કાર્યપાલક ઈજનેર સંદીપ જોષી લાંચ લેતા રંગે હાથ ઝડપાયા છે.
25 હજાર રૂપિયા લેતા ઝડપી પાડ્યા
સંદીપ જોષી પાણી પુરવઠા અને ગટર વ્યવસ્થા બોર્ડના કાર્યપાલ ઈજનેર છે. જેઓ લાંચ લેતા એસીબીના હાથે રંગે હાથ ઝડપાયા છે. તેઓ એરપોર્ટ રોડ પર ફાટક પાસે રૂપિયા લઈ રહ્યા હતા. તે સમયે તેમને ઝડપી પાડવામાં આવ્યા. જેમા એસીબી દ્વારા તેમને 25 હજાર રૂપિયા રોકડા લેતા જ ઝડપી પાડવામાં આવ્યા છે.
લાંચ પેટે 45 હજાર માગ્યા હતા
અજમેરપરા ગામે પમ્પ હાઉસના કામનું બિલ પાસ કરવાનું હતું. જે બીલ પાસ કરાવા માટે તેમણે લાંચ માગી હતી. સંદીપ જોષીએ બીલ પાસ કરવા માટે 45 હજાર રૂપિયા માગ્યા હતા પરંતુ છેલ્લે 25 હજાર તેમણે લાંચની રકમ નક્કી કરી હતી. જે મામલે ફરિયાદીએ એસીબીને જાણ કરી અને એસીબી દ્વારાજ આ કાર્યવાહી કરવામાં આવી હતી.
ફરિયાદીએ એસીબીને કરી હતી જાણ
ઉલ્લેખનીય છે કે એસીબી દ્વારા રંગે હાથ ઈજનેર સંદીપ જોષીને 25 રૂપિયા લેતા ઝડપી પાડવામાં આવ્યા છે. જેમા એરપોર્ટ રોડ પર ફાટક પાસે તેઓ રૂપિયા લેવા માટે ગયા હતા. તે સમયે તેમને ઝડપી પાડવામાં આવ્યા અને હવે એસીબી દ્વારા તેમની સામે કાયદેસરની કાર્યવાહી હાથ ધરવામાં આવી છે.