પોલમપોલ / રાજકોટમાં સ્માર્ટ ક્લાસની વાતો વચ્ચે ભોપાળુ : છતમાંથી પાણી સાથે પોપડા પડતા બાળકોના જીવ જોખમમાં

• રાજકોટમાં સ્માર્ટ ક્લાસના દ્રશ્યો,તાત્કાલિક રિપેરિંગની જરૂર  
• રાજકોટ મનપા શિક્ષણ સમિતિની શાળાની છતમાં પડે છે પાણી
• જીવના જોખમે ભણવા માટે મજબૂર બન્યા બાળકો

રંગીલા રાજકોટમાં સ્માર્ટ ક્લાસની વાતો વચ્ચે ભોપાળુ બહાર આવ્યું છે. રાજકોટ મનપા શિક્ષણ સમિતિની શાળા નંબર-47 અને 65માં છતમાંથી પાણી ટપકી રહ્યું હોવાનું સામે આવતા અનેક સવાલો ઊભા થયા છે. બંન્ને શાળા જર્જરીત હોવાથી રિપેરિંગની તાત્કાલિક જરૂર છે. જોકે હવે જોવાનું એ છે કે તંત્ર આ મામલે હરકતમાં આવે છે કે નહી ? પરંતુ હાલ તો છતમાંથી પાણી સાથે પોપડા પડતા બાળકોના જીવ પર જોખમ ઊભું થયું છે. 

રાજકોટમાં સ્માર્ટ ક્લાસમાં જીવના જોખમે ભણે છે બાળકો 

રાજકોટ એટલે પૂર્વ મુખ્યમંત્રી વિજય રૂપાણીનો મતવિસ્તાર. રંગીલા રાજકોટની શાળા નંબર-47 અને 65માં છતમાંથી પાણી ટપકી રહ્યું હોવાનું સામે આવતા હડકંપ મચી ગયો છે. છતમાંથી પાણી સાથે પોપડા પડતા બાળકોના જીવ પર જોખમ પણ ઊભું થયું છે. સ્થાનિકો અને વાલીઓની માંગ છે કે આ બંન્ને શાળા જર્જરીત હોવાથી તાત્કાલિક રિપેરિંગની કરવામાં આવે. 

રાજકોટ મનપા શિક્ષણ સમિતિની શાળાની આવી દુર્દશા 

રાજકોટ મનપા શિક્ષણ સમિતિની શાળા નંબર-47 અને 65ના ચોંકાવનારા દ્રશ્યો સામે આવ્યા છે.  શાળા નંબર-47 અને 65 જર્જરિત હોવાથી જીવના જોખમે અભ્યાસ કરવા બાળકો મજબૂર બન્યા છે. શાળાની છતમાંથી પાણી ટપકી રહ્યું હોવાના દ્રશ્યો પણ કેમેરામાં કેદ થયા છે. તો વળી છતમાંથી પાણી સાથે પોપડા પડતા બાળકોના જીવ પર જોખમ ઊભું થયું છે. 

બંન્ને શાળા જર્જરીત હોવાથી રિપેરિંગની તાત્કાલિક જરૂર 

સ્થાનિકો અને વાલીઓની માંગ છે કે આ શાળા નંબર-47 અને 65 જે જર્જરિત હાલતમાં છે ટેને તત્કાલીક અસરથી રીપેર કરવામાં આવે. નોંધનિય છે કે, રાજકોટમાં ભારે વરસાદ આવ્યો હતો. જો તેવા સમયે કે પછી હવે જ્યારે બાળકો શાળામાં હોય અને કોઇ દુર્ઘટના ઘટે તો જવાબદાર કોણ ? તેવા અનેક સવાલો પંથકમાં ચર્ચાઇ રહ્યા છે.