ચેતવણી / રાજકોટમાં મનપાની ચૂંટણી પહેલા વાલીઓની ચીમકી, આ કામ નહીં-તો મત મળશે નહીં

• રાજકોટમાં સંપૂર્ણ સ્કૂલ ફી માફીની ઉઠી માગ
• RTE હેઠળ અભ્યાસ કરતા વિદ્યાર્થીઓના વાલીઓએ કરી માગ
• જે પક્ષ ફી માફી કરશે તેને ટેકો જાહેર કરવાની વાલીઓની ચીમકી

રાજકોટમાં સંપૂર્ણ રીતે શાળાની ફી માફીની માગ ઉઠી છે. દેશભરમાં કોરોનાના કારણે શાળાઓ બંધ હતી. જે બાદ ઓનલાઈન શિક્ષણની વ્યવસ્થા શરૂ થઈ હતી. પરંતુ કેટલીક શાળાઓ સદંતર રીતે બંધ હતી. પરંતુ હવે વાલીઓ સંપૂર્ણ પણ ફી માફીની વાત કરી રહ્યા છે. ત્યારે રાજકોટમાં પણ RTE હેઠળ અભ્યાસ કરતા વાલીઓએ સંપૂર્ણ ફી માફીની માગ ઉચ્ચારી છે. 

જનજાગૃતિ એજ્યુકેશન ચેરીટેબલ ટ્રસ્ટના નેજા હેઠળ એક બેઠકનું આયોજન કરાયું હતું. જેમાં ફી માફી અંગે ચર્ચા કરવામાં આવી હતી. વાલીઓ તરફથી પ્રસ્તાવ કરાયો હતો કે, માત્ર 25 ટકા નહીં. પરંતુ સંપૂર્ણ ફી માફી થવી જોઈએ. આ સાથે જે પક્ષ ફી માફી કરશે. તેને ટેકો જાહેર કરવાની વાત પણ ચૂંટણીને અનુલક્ષીને કરવામાં આવી છે. મહત્વનું છે કે, રાજકોટ મહાનગર પાલિકાની ચૂંટણી આવી ચૂકી છે. ત્યારે વાલીઓએ પણ પોતાની માગણી નેતાઓ સમક્ષ રજૂ કરી દીધી છે. ત્યારે જોવાનું રહેશે કે વાલીઓની આ વાતને કઈ પાર્ટી પોતાના ચૂંટણી ઢંઢેરામાં સામેલ કરશે.