શાતિર શખ્સ / આવા દીકરાથી થઈ જજો સાવધાન, વૃદ્ધ માતા પિતાને ટાર્ગેટ કરી વિશ્વાસમાં લેતો અને પછી..

• રાજકોટમાં વૃદ્ધાઓને વિશ્વાસમાં કેળવી છેતરપિંડી આચરી
• પુત્ર હોવાની ઓળખ આપી છેતરપિંડી કરતો ઝડપાયો
• ક્રાઈમ બ્રાન્ચે ચોક્કસ માહીતીને આધારે આરોપી કરી ધરપકડ

રાજકોટમાં બે-બે વૃદ્ધાનો વિશ્વાસ કેળવી એક ઈસમે છેતરપિંડી આચરી છે, ઈસમે વૃદ્ધાને સબંધીનો પુત્ર હોવાની ઓળખ આપી વૃદ્ધા પાસેથી સોનાની બંગડી લઇ નાસી છૂટ્યો હતો. જે બાદ ફરિયાદ નોંધાી હતી અને જેમાં CCTV ફૂટેજ અને હ્યુમન સોર્સીસના આધારે ક્રાઇમ બ્રાન્ચે 52 વર્ષીય ઈસમની ધરપકડ કરી છે. પોલીસે બે ગુનાના ભેદ ઉકેલી કાર્યવાહી હાથ ધરી છે. 

સબંધીનો પુત્ર કહી છેતરપિંડી આચરી
રાજકોટમાં ગોંડલ રોડ પરના ગીતા નગરમાં રહેતા અને પોસ્ટ ઓફીસના નિવૃત કર્મચારીના મકાનમાં ધુસી હું તમારા ગામના કાંતીભાઈ પંડયાનો પુત્ર છું અને મે અહી મકાન લીધુ હોય જેના વાસ્તુનું આમંત્રણ આપવા માટે આવ્યો છુ તેમ કહી મારા બહેન માટે તમારા જેવી બંગડી બનાવી છે. નમુના તરીકે આપો કહી રૂ. એક લાખની કિંમતના સોનાની ચાર બંગડી લઈ જઈ અજાણ્યા શખ્સે છેતરપીંડી કરી હોવાની ફરિયાદ નોંધાઈ હતી. ક્રાઈમ બ્રાન્ચે ચોક્કસ માહીતીને આધારે આરોપી નિમિષ ઉર્ફે નૈમિષ પુરોહિતને ઉ.વ.52ને લીમડા ચોક નજીક શુલભ શૌચાલય પાસેથી ઝડપી પાડી કાયદેસરની કાર્યવાહી હાથ ધરી છે. પોલીસે આરોપી પાસેથી 2 લાખની કિંમતની તમામ 8 બંગડી કબજે કરી વધુ તપાસ હાથ ધરી છે. 

આરોપી આઠ ગુનામાં સંડોવાયેલા
પોલીસના જણાવ્યા મુજબ આરોપી વૃદ્ધાઓને એકલા જોઈ તેમની પાસે જઇ કોઈપણ ખોટી ઓળખાણ આપી વિશ્વાસ કેળવી અને છેતરપિંડી આચરી નાસી જવાની ટેવ ધરાવે છે. અત્યાર સુધી છેતરપિંડી અને વિશ્વાસઘાત કરવાના ગુનામાં રાજકોટ, ઉપલેટા, ધોરાજી, સોમનાથ અને પોરબંદરમાં કુલ 8 વખત પોલીસ ચોપડે ચડી ચુક્યો છે. 

ઉલ્લેખનીય છે કે આરોપીની આગવી ઢબે પુછપરછ કરતા રાજકોટમાં તાજેતરમાં બે વૃદ્ધા ઉપરાંત પોરબંદર બસ સ્ટેન્ડ નજીક પણ 23.10.2022 ના રોજ એક વૃધ્ધા પાસેથી બંગડી મેળવી વિશ્વાસઘાત કર્યો હોવાની કબૂલાત આપી છે.