વસૂલાત / રાજકોટમાં ઈ-મેમાની નોટિસને લઈને તંત્રની લાલ આંખ, છેલ્લા 10 દિવસમાં 1.78 કરોડોનો દંડ વસૂલાયા 

• રાજકોટમાં વાહનચાલકોને ઈ-મેમાનો મામલો
• 10 દિવસમાં 1.78 કરોડનો દંડ
• 23,148 ઈ-મેમો ધારકોએ દંડ ભર્યો

રાજકોટને સુરક્ષિત રાખવા માટે આઇવે પ્રોજેક્ટ શરૂ કરવામાં આવ્યો. શહેરમાં ચોરી, લૂંટફાટ જેવી પ્રવૃત્તિઓ રોકવા માટે થર્ડ આઇનું પ્રોટેક્શન આપવામાં આવ્યું. જેની પાછળ 70 કરોડનો ખર્ચ કરવામાં આવ્યો પરંતુ આ કરોડોના ખર્ચે વસાવેલા સીસીટીવી ઇમેમોમાં બહુ ચર્ચાસ્પદ બન્યા છે. કારણ કે છેલ્લા 10 દિવસોમાં રાજકોટવાસીઓએ 1.78 કરોડનો દંડ ભર્યો છે.

રવિવારે યોજાયેલી લોકઅદાલતમાં વાહનચાલકોએ દંડ ભર્યો

રાજકોટ ટ્રાફિક ACPએ લોકોને ગત તારીખ 26મી જૂન 2022 પહેલા રાજકોટવાસીઓને બાકી રહેલા ઈ-મેમો ભરવાની તાકીદ આપી હતી. જેના ભાગરૂપે રવિવારે એટલે કે, 26મી જૂન 2022ના રોજ રાજકોટ ખાતે યોજાયેલી લોક અદાલતમાં 24,148 રાજકોટવાસીઓએ મેમાની રકમ ભરી હતી. ઉલ્લેખનીય છે કે, રાજકોટમાં  છેલ્લા 10 દિવસોમાં લોકો રૂપિયા 1.78 કરોડનો દંડ ભર્યો છે. બીજી તરફ ટ્રાફિ ACPની અપીલ કરી હતી કે, તેમજ આગામી એક સપ્તાહ સુધી CCTVથી દંડ ફટકારવામાં નહીં આવે તેમજ જણાવ્યું હતું 

રાજકોટમાં ઈ-મેમો ભરવાને લઈને લોકોમાં રોષ: ગોવિંદ પટેલ

ઉલ્લેખનીય છે કે, રાજકોટમાં કુલ વાહનો કરતાં બમણાથી વધુ ઈ-મેમોના કેસ સામે આવ્યા છે. જેને લઇને ધારાસભ્ય ગોવિંદ પટેલે ગૃહમંત્રીને ઈ-મેમો બંધ કરવા રજૂઆત કરી હતી. ગોવિંદ પટેલે પોતાની રજૂઆતમાં જણાવ્યું હતું કે, 'રાજકોટમાં ઈ-મેમો ભરવાને લઈને લોકોમાં રોષ જોવા મળી રહ્યો છે. રાજકોટમાં 5 વર્ષમાં રૂપિયા 180 કરોડનો દંડ ફટકારવામાં આવ્યો છે. જેથી લોકો પીસાઈ રહ્યાં છે.' વધુમાં તેમણે રજૂઆત કરી હતી કે, 'રાજકોટમાં અત્યાર સુધી 24.30 લાખ નાગરિકોને ઈ-મેમો ફટકારવામાં આવ્યો છે. જેમાંથી 75 ટકા વાહન ચાલકોએ 150 કરોડ રૂપિયાનો દંડ ભરવાનો બાકી છે.'