વાયરલ વિડીયો / VIDEO: રાજકોટમાં સિટીબસ ચાલકે વૃદ્ધને માર માર્યો, વીડિયો વાયરલ થતા લોકોમાં રોષનો માહોલ

• રાજકોટમાં સિટીબસ ચાલકની દાદાગીરીનો વીડિયો વાયરલ 
• બસ ચાલકે વૃદ્ધને માર માર્યો હોવાનો આક્ષેપ 
• સમગ્ર ઘટનાનો વીડિયો વાયરલ થતા લોકોમાં રોષનો માહોલ  

રાજકોટ સિટીબસ ચાલકની દાદાગીરીનો વીડિયો વાયરલ થયો છે. જેમા કાલાવડ રોડઅંડરબ્રિજ પાસેનો આ વીડિયો વાયરલ છે. વીડિયોમાં સિટીબસ ચાલકે વૃદ્ધને માર માર્યો હોવાનો આક્ષેપ કરવામાં આવ્યો છે. જેથી આ બનાવને લઈને લોકોમાં રોષનો માહોલ છે. સાથેજ આવું શા માટે તેણે કર્યું તેને લઈને પણ સવાલો ઉઠી રહ્યા છે. 

વીડિયોને લઈ RMC કમિશનર હરકતમાં 

આપને જણાવી દઈએ કે આ સમગ્ર બનાવમાં  ઉભી રાખવા બાબતે બોલાચાલી થઈ હતી. જેનો વીડિયો વાયરલ થતા RMC કમિશનર હરકતમાં આવ્યા છે, RMC કમિશનરે તપાસના આદેશ આપ્યા છે. સાથેજ RMC કમિશનર અમિત અરોરાએ કહ્યું કે, આવી ઘટનાઓ ચલાવી લેવાય નહીં.

એજન્સી સાથા વાત કરવામાં આવશે 

અમિત અરોરાએ વધુમાં કહ્યું કે સિટીબસ એજન્સી સાથે વાત કરીશું.ડ્રાઇવરો ડ્રેસ પહેરતા નથી. સાથેજ તેમણે કહ્યું તપાસ બાદ કડક કાર્યવાહી કરવામાં આવશે. જોકે  અહીં સવાલ એ છે કે, રાજકોટના સિટીબસ ચાલકો આટલા બેફામ કેમ છે?..

વીડિયો વાયરલ થતા ઉઠ્યા ગંભીર સવાલ 

કાયદો હાથમાં લેનારો સિટીબસનો કર્મચારી કોણ છે?.સિટીબસના કર્મચારીનું આવું ગેરવર્તન કઇ રીતે ચાલે?...વૃદ્ધને બેફામ રીતે માર મારતા કર્મચારીને શરમ નથી આવતી?આ બનાવને લઈને ઘણા બઘા સવાલો ઉઠ્યા છે. સાથેજ લોકોમાં રોષનો માહોલ ફેલાયો છે. લોકોની માગ છે કે આ ઘટનાને અંજામ આપનાર બસચાલક સામે કાયદેસરની કાર્યવાહી કરવામાં આવે.