ધમાલ મચાવી / રાજકોટમાં કુખ્યાત રાધા સહિત 6 માથાભારે યુવતીઓએ પોલીસ સ્ટેશન સામે મચાવી ધમાલ, જાણો પછી શું થયું

• રાજકોટમાં મોડી રાત્રે યુવતીઓએ મચાવી ધમાલ
• માલવીયાનગર પોલીસ સ્ટેશન પાસે મચાવી ધમાલ
• 6 જેટલી યુવતીઓએ પોલીસ સ્ટેશન પાસે કર્યો હોબાળો

રાજકોટમાં માથાભારે યુવતીઓએ ધમાલ મચાતા સ્થાનિકો હેરાન પહેરાશ થઈ ગયા હતા સમગ્ર મામલે માલવીયાનગર પોલીસને જાણ કરાતા પોલીસ ઘટના સ્થળે પહોંચી પોલીસે તપાસ કાર્યવાહી હાથ ધરી હતી.

કુખ્યાત રાધા સહિતની 6 યુવતીઓની અટકાયત કરી

રાજકોટમાં કુખ્યાત લેડી ડોન એવી રાધાએ ધમાલ મચાવી હતી, તેની સાથે અન્ય પાંચ થી છ યુવતીઓ પણ સાથે રહી હોવાનું સ્થાનિકોએ જણાવ્યું છે આ યુવતીઓ એ હાથમાં ખુલ્લી છરી સાથે સ્કૂટર પર નીકળી ખુલ્લે આમ પોતાની ખોફ ફેલાવતી હોય તેવી રીતે આંતક મચાવતા સ્થાનિકોમાં ભયનો માહોલ જોવા મળ્યો હતો જેને લઈ સ્થાનિકોએ સમગ્ર મામલે પોલીસને જામ કરી હતી જેમાં પોલીસે ઘટના સ્થળે આવી યુવતીઓએ કોઈ પ્રકારનો નશો કરેલો છે કે કેમ તેની તપાસ કરી આગળની કાર્યવાહી હાથ ધરી હતી.

રાધા પાસેથી છરી અને સ્કૂટર પોલીસે જપ્ત કર્યું

ઘટનાની જાણ થતા માલવીયાનગર પોલીસ ઘટના સ્થળે આવી પહોંચી હતી, આ સમય દરમિયાન કુખ્યાત તોફાની રાધા સહિતની યુવતીને પોલીસ મથકે લઈ જવામાં આવ્યા હતા જ્યારે આ યુવતીઓ પાસેથી છરી, સ્કૂટર સહિતનો સામાન જપ્ત કરી તેમની સામે ગુનો નોંધી આગળની કાર્યવાહી હાથ ધરવામાં આવી હતી..