ખેડૂત હિંસા / ખેડૂતો બરાબરના વિફર્યા, આ ભાજપ નેતાના ફાડ્યા કપડા, પોલીસે આવીને કર્યો બચાવ

• રાજસ્થાનમાં ખેડૂતોએ ભાજપ નેતાના કપડા ફાડ્યા 
• ખેડૂતો કૃષિ કાયદાને લઈને વિરોધ પ્રદર્શન કરતા હતા 
• સમગ્ર મામલે પોલીસે સ્થળ પર પહોચી મામલો થાળે પાડ્યો 

કેન્દ્ર સરકારે જે નવા 3 કૃષિ કાયદા અમલમાં મુક્યા છે. તેનો છેલ્લા કેયલાય સમયથી દેશભરમાં વિરોધ થઈ રહ્યો છે. જોકે રાજસ્થાનમાં કૃષિ કાયદાના વિરોધ વચ્ચે એક વિચિત્ર બનાવ સામે આવ્યો છે. શ્રીગંગાનગરમાં કૃષિ કાયદાનો વિરોધ કરી રહેલા ખેડૂતોએ ભાજપ નેતા કૈલાશ મેઘવાલ સાથે ગેરવર્તણૂંક કરીને તેમના ફાડી કાઢ્યા જેના કારણે આ મુદ્દો ઘણો ચર્ચાનો વિષય બન્યો છે. 

Rajasthan: Farmers protesting in Sri Ganganagar against the Central Government's three farm laws, tore the clothes of BJP leader Kailash Meghwal. The leader had arrived to participate in a BJP protest over inflation and irrigation when the incident took place. pic.twitter.com/GERDBpoqB2

— ANI (@ANI) July 30, 2021

અગાઉ પણ નેતાઓ સાથે ગેરવર્તણૂંક થઈ છે

સ્થળ પર સમગ્ર મામલે પરિસ્થિતી વણસી જવાને કારણે પોલીસે મામલો થાળે પાડ્યો હતો. ભાજપ નેતા કૈલાશ મેઘવાન મોંઘવારી અને સિંચાઈના મુદ્દાઓને લઈને વિરોધ પ્રદર્શનમાં ભાગ લેવા ગયા હતા. જોકે કૃષિ કાયદાને લઈને આ પહેલો આવો બનાવ સામે નથી આવ્યો. હરિયાણામાં પણ અમુક ભાજપના નેતાઓ સાથે ગેરવર્તણૂંક થઈ હતી. 

પંજાબમાં ભાજપ નેતાને માર માર્યો 

પંજાબના મલોટ શહેરમાં ભાજપના ધારાસભ્ય સાથે કૃષિ કાયદાનો વિરોધ કરતા લોકોએ ગેરવર્તણૂંક કરી હતી. જ્યા તેમને માર પણ મારવામાં આવ્યો હતો. સાથેજ તેમના કપડા પણ વિરોધ કરનાર લોકોએ ફાજ્યા હતા.

પોલીસે નેતાઓને બચાવ્યા 

વિરોધ પ્રદર્શન કરનાર ખેડૂતોએ તે સમયે માત્ર મલોટમાંજ નહી પરંતું બીજા બે અન્ય નેતાઓ સાથે પણ જુદા જુદા સ્થળોએ ભાજપના નેતાઓ સાથે આવી હરકત કરી હતી. ઘટનાને કારણે પોલીસનો કાફલો સ્થળ પર પહોચ્યો હતો. જ્યા પોલીસે તે નેતાઓને બચાવ્યા હતા. 

અલવરમાં પણ ભાજપ નેતા પર હુમલો 

ઉલ્લેખનીય છે કે અલવર જિલ્લાની શાહજહાપુર બોર્ડર પર પણ ભાજપ નેતા પ્રેમસિંહ બજૌર પર હુમલો કરવામાં આવ્યો હતો. જે મામલે અલવર પોલીસે ગુનો નોંધીને શાહજહાપુર પોલીસને રિપોર્ટ મોકલ્યો હતો.