પિંડવાડાના નાયબ પોલીસ અધિક્ષક જેઠ સિંહે જણાવ્યું કે મહિલાનો પતિ ચોકીદાર તરીકે કામ કરે છે. બુધવારે રાત્રે બંને જ્યારે સૂવાની તૈયારી કરી રહ્યા હતા ત્યારે ચાર લોકો બળજબરીથી તેમના ઘરમાં ઘૂસી ગયા હતા અને તેમને બંધક બનાવ્યા હતા.
રાજસ્થાનના સિરોહીમાં 45 વર્ષીય મહિલા પર સામૂહિક દુષ્કર્મ
બળજબરીથી ઘરમાં ઘૂસેલા લોકોએ ગુજાર્યો બળાત્કાર
પોલીસે ત્રણ આરોપીઓની ધરપકડ કરી
રાજસ્થાનના સિરોહી જિલ્લામાં 45 વર્ષીય મહિલા પર તેના પતિની સામે ચાર શખ્સોએ કથિત રીતે સામૂહિક બળાત્કાર ગુજાર્યો હતો.પોલીસે આ માહિતી આપી હતી.આરોપ છે કે ચોરીના ઇરાદે ઘરમાં ઘૂસેલા ચાર લોકોએ મહિલા સાથે ગેંગરેપ કર્યો હતો.પોલીસે ત્રણ આરોપીઓની ધરપકડ કરી છે. ત્રણ આરોપીઓની ધરપકડ કરી, એકની શોધખોળ ચાલુ
પોલીસના જણાવ્યા અનુસાર આ ઘટના બુધવારે બની હતી.પરંતુ આઘાતના કારણે ગુરૂવારે દંપતી ઘરની બહાર નીકળ્યું ન હતું.આ પછી પોલીસનો સંપર્ક કરવાનો નિર્ણય કર્યો અને શુક્રવારે કેસ નોંધવા માટે સ્થાનિક પોલીસ સ્ટેશન પહોંચ્યા.આ કેસમાં કાર્યવાહી કરતા પોલીસે શનિવારે ત્રણ આરોપીઓની ધરપકડ કરી હતી અને ચોથા આરોપીની પણ શોધ ચાલી રહી છે. મહિલાનો પતિ ચોકીદાર તરીકે કરે છે કામ
પિંડવાડાના નાયબ પોલીસ અધિક્ષક જેઠ સિંહે જણાવ્યું કે મહિલાનો પતિ ચોકીદાર તરીકે કામ કરે છે.બુધવારે રાત્રે બંને જ્યારે સૂવાની તૈયારી કરી રહ્યા હતા ત્યારે ચાર લોકો બળજબરીથી તેમના ઘરમાં ઘૂસી ગયા હતા અને તેમને બંધક બનાવ્યા હતા.અધિકારીના જણાવ્યા અનુસાર, "તેઓએ પતિના કપડાં કાઢી નાખ્યા અને તેના ખિસ્સામાંથી 1,400 રૂપિયા લઈ લીધા.
આરોપીઓની ઓળખ ઝડપથી થઈ ગઈ: પોલીસ
ઘરમાં વધુ રોકડ અને અન્ય કિંમતી ચીજવસ્તુઓ વિશે પૂછપરછ કરી પરંતુ દંપતી પાસે ચાંદીના દાગીના સિવાય કંઈ જ નહોતું. આનાથી વધુ કંઈ ન મળતાં તેઓએ એક પછી એક મહિલા પર તેના પતિની સામે બળાત્કાર ગુજારવાનું શરૂ કર્યું. "આરોપીઓની ઝડપથી ઓળખ થઈ ગઈ હતી અને તેમાંથી ત્રણની શનિવારે ધરપકડ કરવામાં આવી હતી. અમારી ટીમ ચોથા આરોપીની શોધમાં છે અને તે પણ ટૂંક સમયમાં ઝડપાઈ જશે.