પંજાબના જલંધરમાં પોલસ ઈન્સપેક્ટરે બે યુવતીઓ પર કાર ચઢાવી દીધી જેના કારણે એકનું મોત થયું છે. આ મામલે રોષે ભરાયેલા લોકોએ હાઈવે પર ચક્કાજામ કર્યો હતો.
પંજાબમાં બની લખીમપુર ખીરી જેવી ધટના
પોલીસે બે યુવતીઓ પર ચઢાવી દીધી કાર
એક યુવતીનું અકસ્માતમાં કરૂણ મોત
પહેલા લખીમપુર, બાદમાં છત્તીસગઢ અને હવે પંજાબમાં ગાડી ચઢાવાની ઘટના સામે આવી છે. પંજાબના જલંધરમાં આજે પોલીસેજ બે યુવતીઓ પર ગાડી ચઢાવી દીધી હતી. જેમા એક યુવતીનું કરૂણ મોત થયું છે. આ ઘટનાને કારણે લોકો રોષે ભારાયા હતા અને લોકોએ જલંધર-ફગવાડા હાઈવેને જામ કરી દીધો હતો.
જલંધરમાં ભારે ટ્રાફિક જામ
આ ઘટનાને કારણે પૂરા શહેરમાં ભારે ટ્રાફિકજામ થયો હતો. જે ગાડીથી અકસ્માત થયો છે તે ગાડી ઈન્સ્પેક્ટર અમૃતપાલ સિંહ ચલવી રહ્યા હતા તેવી માહિતી સામે આવી છે અને તેમની ધરપકડ પણ કરી લેવામાં આવી છે. તેઓ હોશિયાર પુરના રહેવાસી છે અને પટ્ટન પોલીસ સ્ટેશનમાં તેઓ ફરજ બજાવતા હતા.
યુવતી કારના શોરૂમમાં કરતી હતી કામ
મૃતક યુવતીનું નામ નજોત કૌર હોવાનું સામે આવ્યું છે. જે એક કારના શોરૂમમાં કામ કરતી હતી. ઘટના સમયે તે તેની મિત્ર પાસે ઉભી હતી. તેજ સમયે પોલીસની કાર આવે છે તેને કચડી નાખે છે. આ ઘટનાને કારણે લોકોમાં રોષ ફાટી નિકળ્યો હતો જેથી લોકોએ જલંધર ફગવાડા હાઈવે પર ચક્કાજામ કરી કાઢ્યો હતો.
ઘટનાના સીસીટીવી ફુટેજ આવ્યા સામે
લોકો મોટી સંખ્યામાં હાઈવે પર ઉતરી આવ્યા જેના કારણે ટ્રાફીક જામ થયો હતો. ત્યારબાદ સમગ્ર શહેરમાં લોકોએ ટ્રાફીક જામ કર્યો હતો. આ ઘટનાના સીસીટીવી ફુટેજ પણ સામે આવ્યા છે. જેમા સ્પષ્ટ દેખાઈ રહ્યું છે કે પોલીસે બે યુવતીઓને અડફેટે લીધી હતી.
અકસ્માત કરનાર ઈન્સ્પેક્ટરની ધરપકડ
ઉલ્લેખનીય છે કે સમગ્ર મામલે જલંધરના ડીસીપીએ કહ્યું કે ગાડી ઈન્સપેક્ટર અમૃતપાલ સિંહ ચલાવી રહ્યા હતા. જેમની ધરપકડ કરી લેવામાં આવી છે. ઉપરાંત જે પણ જગ્યાઓ પર ટ્રાફીક જામ થયો છે ત્યા હવે પોલીસ રસ્તો ખોલોવાની કામગીરી હાથ ધરવામાં આવી છે.