વાહવાહી / પૌત્રીના સ્વાગત માટે ખેડૂતે કર્યું એવું કામ કે આખુ ગામ જોતુ રહી ગયું, લોકો કરી રહ્યા સલામ

• મહારાષ્ટ્રના પુણેની છે આ ઘટના 
• પૌત્રીના સ્વાગતમાં કરી જોરદાર તૈયારીઓ 
• શણગારવામાં આવી આખી શેરી 

મહારાષ્ટ્રના વિદર્ભ વિસ્તારના ખેડૂતોની સ્થિતિ આખી દુનિયામાં ચર્ચાનો વિષય છે. આ દેશનો એવો વિસ્તાર છે જ્યાં ખેડૂતોને ખૂબ જ ગરીબ માનવામાં આવે છે અને અહીંથી આત્મહત્યાના કિસ્સાઓ આવતા રહે છે. પરંતુ આ જ મહારાષ્ટ્રના એક ખેડૂતે પોતાની પૌત્રી માટે કંઈક એવું કર્યું જેની ચર્ચા દરેક જગ્યાએ થઈ રહી છે.

પૌત્રીને હેલિકોપ્ટથી ઘરે લાવ્યા 
પુણે જિલ્લામાં એક ખેડૂત તેની પૌત્રીના જન્મથી એટલો ખુશ હતો કે તેણે મંગળવારે નવજાતને ઘરે લાવવા માટે હેલિકોપ્ટરની વ્યવસ્થા કરી. પુણેના બાલેવાડી વિસ્તારના રહેવાસી અજીત પાંડુરંગ બલવડકરે જણાવ્યું કે તેઓ તેમની પૌત્રી કૃષિકાનું ભવ્ય સ્વાગત કરવા માંગતા હતા.

Maharashtra | Ajit Pandurang Balwadkar, a farmer from Balewadi hired a helicopter to bring his newborn granddaughter and daughter-in-law to his house in Balewadi from the maternal house of the daughter-in-law in Shewalwadi in Pune. (26.04) pic.twitter.com/T9dR8gxVqe

— ANI (@ANI) April 26, 2022

બાળકીને હેલિકોપ્ટરથી ઘરે લાવવામાં આવી
બલવાડકરે કહ્યું કે જ્યારે નવજાત શિશુને તેની માતા સાથે તેના મોસાળથી ઘરે લાવવાનો સમય આવ્યો ત્યારે તેણે તેના માટે હેલિકોપ્ટર બુક કરાવ્યું. આખો પરિવાર નવા મહેમાનનું સ્વાગત કરવા પહોંચ્યો હતો અને બાળકીને હેલિકોપ્ટરથી નીચે ઉતારીને ઘરે લાવવામાં આવી હતી.

સ્વાગતમાં ફોડવામાં આવ્યા ફટાકડા
આટલું જ નહીં ઘરમાં બાળકીના સ્વાગત માટે પણ સંપૂર્ણ વ્યવસ્થા કરવામાં આવી હતી. આખી શેરી સજાવવામાં આવી હતી અને ફટાકડા ફોડીને બાળતીનું ઘરમાં સ્વાગત કરવામાં આવ્યું હતું. આ ઘટનાના ફોટા અને વીડિયો સોશિયલ મીડિયા પર વાયરલ થયા છે. ખેડૂતના આ પગલાની દરેક વ્યક્તિ પ્રશંસા કરી રહ્યા છે.