ડિઝલના વધતા ભાવના વિરોધમાં 90 લાખ ટ્રકોના માલિક હડતાળ પર 

ખેડૂતોની દસ દિવસની હડતાળ પુરી થયા બાદ સોમવારે એટલે કે આજે દેશવ્યારી ટ્રકોની હડતાળ શરૂ થઇ દઇ છે. પાછલા થોડા દિવસોમાં પેટ્રોલ-ડિઝલના વધતા ભાવના કારણે ટ્રક ડ્રાઇવરો અને માલિકો નારાજ છે. જે કારણોસર હડતાળ પર ઉતર્યા છે. 

ટ્રકોની આ હડતાળની સીધી અસર સામાન્ય વ્યક્તિ પર પડી શકે છે. કારણ કે આવનાર દિવસોમાં દૂધ-શાકભાજી અને અન્ય વસ્તુની સપ્લાઇ પર અસર પડી શકે છે.

ઓલ ઇન્ડિયા કન્ફેડરેશન ઓફ ગુડ્સ વ્હીકલ્સ ઓનર્સના પ્રેસિડેંટ ચન્ના રેડ્ડીના જણાવ્યા અનુસાર પેટ્રોલ-ડિઝલના ભાવ વધવાના કારણે ખુબ જ નુકસાન થઇ રહ્યુ છે. જેથી 90 લાખ ટ્રક હડતાળ પર ઉતરી રહ્યા છે. 

આ ઉપરાંત તેમણે જણાવ્યુ હતુ કે સરકાર કહે છે કે આ ભાવ આંતરરાષ્ટ્રીય માર્કેટના લીધે વધે છે. પણ સરકારે જ એટલો ટેક્સ લગાવ્યો છે કે લોકોનું નુકસાન થઇ રહ્યું છે. 

દેશના કેટલાક ટ્રક સંગઠનોએ પેટ્રોલ-ડીઝલને gstમાં લાવવાની વાત કરી છે. પશ્ચિમ બંગાળ એસોસિયેસનના અધ્યક્ષનું કહેવું છે કે રાજ્યના લગભગ 3.5 લાખ ટ્રક આજે હડતાલ પર છે.

ઉલ્લેખનીય છે કે એક જાન્યુઆરી પછી અત્યારસુધી પેટ્રોલના ભાવ 6.46 રૂપિયા અને ડીઝલનો ભાવ 8.21 રૂપિયા વધી ચુક્યો છે. પાછળ થોડા દિવસોમાં ભાવ ઝડપી વધ્યા હતા. આ સાથે પાછળ કેટલાક દિવસોથી ભાવ ઉતારી પણ રહ્યા છે.