સરકાર દ્વારા બાળકો ભણે તે માટે અભિયાનો ચલાવવામાં આવે છે. ત્યારે એક એવી ઘટના સામે જેમાં શિક્ષક વિદ્યાર્થીઓ પાસે પોતાનુ અંગત કામ કરાવે છે.
આ ઘટના છે હિંમતનગરના અરજણપુરા ગામની જ્યાં સરકારી પ્રાથમિક શાળામાં શિક્ષકે પોતાની ગાડી વિદ્યાર્થીઓ પાસેથી સાફ કરાવી છે. આ શાળામાં વિદ્યાર્થીઓ ભણવા નહી પરંતુ શિક્ષકોના કામ કરવા માટે આવતા હોય તેવુ લાગી રહ્યુ છે.
આ દરમિયાન VTVની ટીમ દ્વારા શિક્ષિકાને આ બાબતે પુછવામાં આવ્યુ તો શિક્ષિકાએ જણાવ્યુ કે વિદ્યાર્થીઓએ સામેથી કાર સાફ કરવા માટે કહ્યુ હતુ.
મહત્વનુ છે કે ગુજરાતમાં શિક્ષણનુ પ્રમાણ વધે તે માટે અલગ અલગ અભિયાન ચાલી રહ્યા છે. ત્યારે હવે સરકારી શાળામાં શિક્ષિકાની કરતૂત બાદ સરકારના વાયદા પોકળા લાગી રહ્યા છે.
આ ઉપરાંત સાબરકાંઠા જીલ્લાના અનેક ગામોમાં મોટો પગાર લેતા શિક્ષક-શિક્ષિકાઓ બાળકોને ભણાવવાને બદલે પોતાના કામમાં જોતરી બાળકોના ભવિષ્ય સાથે ચેડા થઇ રહ્યા છે.
જીલ્લા પ્રાથમિક શિક્ષણ અધિકારી પણ જીલ્લાની શાળામાં સબ-સલામતના દાવા કરે છે પણ ગામડાની શાળાઓમાં રોજ-બરોજ આવા કિસ્સા સામે આવી રહ્યા છે તો સવાલ એવો થાય કે શું આવી રીતે ભણશે ગુજરાત?