પાટણમાં શિક્ષકે વિદ્યાર્થીને તાલિબાની સજા આપ્યાના આક્ષેપ સામે આવ્યો છે. પાટણની એમ એન હાઇસ્કુલમાં શિક્ષકે વિદ્યાર્થીને માર માર્યોની ઘટના સામે આવી છે. તેમજ વિદ્યાર્થીની ધોરણ 8માં અભ્યાસ કરતા માસુમ વિદ્યાર્થીને તાલિબાની સજાના કર્યાનો આક્ષેપ કરવામાં આવ્યો છે.
ધોરણ 8માં અભ્યાસ કરતા વિદ્યાર્થીને માર્યો માર
પાટણમાં ધોરણ 8માં ભણતી વિદ્યાર્થીને શિક્ષકે તાલિબાની સજા કર્યાનો પરિજનો દ્વારા આક્ષેપ કરવામાં આવ્યો છે. જેને લઈ સમગ્ર પંથકમાં ચકચાર મચી જવા પામ્યું છે. શાળામાં બાળક મસ્તી કરતા વિદ્યાર્થીને સજા અપાયાના પરિવારના આક્ષેપ છે. મયંક પટેલ નામનાં શિક્ષકે વિદ્યાર્થીને માર્યો માર અને હાઇસ્કુલનાં બીજા માળેથી ઊંધો લટકાવી લાફા માર્યાના પણ આક્ષેપ કરવામાં આવ્યો છે.
વિદ્યાર્થીને સજા આપ્યા બાદ શિક્ષક ફરાર
વિદ્યાર્થીને શરીર પર ઈજાના નિશાન ઉપસી આવ્યા છે. તેમજ વિદ્યાર્થીને સજા આપ્યા બાદ શિક્ષક ગાયબ જ થઈ ગયું હોય તેવી ચર્ચા થઈ રહી છે, કોઈ એક્શન લેવાય તેના પહેલા જ શિક્ષક ભૂગર્ભમાં ઉતરી ગયો છે. શિક્ષક સામે કડકમાં કડક સજા થાય તેવી પરિવાર દ્વારા માંગ કરવામાં આવી રહી છે. શિક્ષકને સજા નહીં મળવા પર પોલીસ ફરિયાદ કરવાની ચીમકી ઉચ્ચારી છે.
સળગતા સવાલ
મયંક પટેલને સજા ક્યારે મળશે?
વિદ્યાર્થીને મારવાનો અધિકાર તમને કોણે આપ્યો?
બાળકો મસ્તી નહીં કરે તો કોણ મોટા કરશે?
શું મયંક પટેલે અન્યનો ગુસ્સો વિદ્યાર્થી પર ઉતાર્યો?
મયંક પટેલ ક્યાં ફરાર થયા છે?
મસ્તી કરવાની આવી સજા મળશે તો બાળકો સ્કૂલે આવશે ખરા?
વિદ્યાર્થીને આવી સજા આપ્યા પહેલાં તમારા હાથ કેમ ન ધ્રુજ્યા?
વિદ્યાર્થીને ન્યાય ક્યારે મળશે?