સોશિયલ મીડિયામાં અવારનવાર કોઇને કોઇ વીડિયો વાયરલ થતા રહે છે. ઘણા વીડિયો એવા હોય કે તમને વારંવાર જોવાનું મન થાય તો ઘણા એવા હોય કે લોકોએ જોઇને આપણને એમ થાય કે હેં, આવુ તો હોતુ હશે ! ત્યારે વધુ એક વીડિયો સામે આવ્યો છે જેમાં બે યુવતીઓ એકબીજા સાથે રીતસરની બાખડી પડી.
માથાના વાળ ખેંચીને ઝઘડી પડી યુવતીઓ
આપણે હવે મોબાઇલ દરેક વ્યક્તિ પાસે થઇ ગયો. મોબાઇલ વિનાનો કોઇ વ્યક્તિ ભાગ્યે જ જોવા મળે. પરિણામે જે તે જગ્યાના ફોટો અને વીડિયો પળવારમાં જ આપણી સુધી પહોંચી જાય છે ત્યારે આવો જ એક વીડિયો સામે આવ્યો જેમાં યુવતીઓનું ટોળુ ઝઘડી રહ્યું છે. માથાના વાળ ખેંચી ખેંચીને યુવતીઓ બરાબરની બાખડી પડી. આ વીડિયો નવસારીના બિલીમોરાનો હોવાનું કહેવાય છે. સોમનાથ મહાદેવ મંદિર પાસે મેળો ભરાયો હતો ત્યાં મેળામાં આ ઘટના બની હોવાનું કહેવામાં આવી રહ્યું છે જો કે વીટીવી ન્યૂઝ આ વીડિયો ક્યાંનો છે તેની પુષ્ટિ કરતુ નથી.
જેવી રીતે આ વીડિયોમાં યુવતીઓને ઝઘડતી જોનાર લોકોમાં એક સવાલ છે કે આ બધી કેમ ઝઘડી રહી છે તેવી જ રીતે સોશિયલ મીડિયામાં પણ આ વીડિયો ચર્ચાનો વિષય બન્યો છે. લોકોમાં પણ કુતુહલ જોવા મળી રહ્યુ છે આ બધી ઝઘડે છે કેમ, જો કે લોકો પણ આ દ્રશ્યોને મોબાઇલના કેમેરામાં કેદ કરતા જોવા મળ્યા હતા.