ગોરખધંધા / અમદાવાદના સ્પામાં પોલીસના દરોડા, ડમી ગ્રાહક મસાજના 500 રૂપિયા આપી અંદર પહોંચ્યો પછી...

• અમદાવાદમાં સ્પાની આડમાં દેહવેપારનો ધંધો
• નરોડા વિસ્તારમાં પોલીસે ડમી ગ્રાહને મોકલી પાડી રેડ
• ડમી ગ્રાહકને 500-500 રૂપિયા લઇને મોકલ્યો હતો

અમદાવાદમાં સ્પા સેન્ટરની આડમાં દેહવ્યાપાર ચાલી રહ્યો છે. જેમાં પોલીસની કામગીરી શૂન્ય છે ત્યારે નરોડા વિસ્તારમાં આવેલા એક કોમ્પ્લેક્સમાં સ્પાની આડમાં ચાલતા દેહવ્યાપારના ગોરખધંધાનો પર્દાફાશ કરી નરોડા પોલીસ ટીમે એક સંચાલક સહિત બે લોકોની ધરપકડ કરી છે. પોલીસે ટ્રેપ ગોઠવીને સ્પા સેન્ટરની આડમાં ચાલતા દેહવ્યાપારને ઝડપી પાડ્યા છે. 

નરોડા પોલીસને માહિતી મળી હતી કે, નરોડા ગેલેક્સી ‌સિનેમા પાસે આવેલા નીલકંડ પેરેડાઇઝ કોમ્પ્લેક્સના ગ્રાઉન્ડ ફ્લોરમાં આવેલા આયુષી સ્પામાં મસાજના નામે દેહવ્યાપારનો ધંધો થઇ રહ્યો છે. પોલીસે બાતમીના આધારે ડમી ગ્રાહકને 500-500 રૂપિયા લઇને મોકલ્યો હતો. ડમી ગ્રાહકે મસાજ કરવાના 500 રૂપિયા આપ્યા હતા અને ત્યારબાદ મસાજ કરનાર યુવતીને સંબંધ રાખવા માટે 500 રૂપિયા આપ્યા હતા. યુવતીને રૂપિયા આપ્યા બાદ ડમી ગ્રાહકે પોલીસને ‌મિસ્ડકોલ કર્યો હતો. 

ડમી ગ્રાહકનો ‌મિસ્ડકોલ આવતાં પોલીસે સ્પા સેન્ટરમાં રેડ કરી હતી અને મા‌લિક અમિત શાહ અને સંચાલકની ધરપકડ કરી છે. ગ્રાહકને મસાજ માટે બોલાવી સ્પાની અંદર દેહવ્યાપારનો ધંધો કરાવતાં હતાં. નરોડા પોલીસે બંને જણાની ધરપકડ કરી તપાસ શરૂ કરી છે.