વડોદરાની MS યુનિવર્સિટી કોઈને કોઈ મુદ્દે ચર્ચામાં આવતી જ રહે છે. ત્યારે આ વખતે ફૂટબોલ ટુર્નામેન્ટની મેચ દરમિયાન બનેલી ઘટનાને લઈને ફરીથી ચર્ચામાં આવી છે.
ફૂટબોલ ટુર્નામેન્ટની મેચ દરમિયાન થઈ મારામારી
અસામાજિક તત્વોએ ખેલાડીઓને માર માર્યો
યુનિવર્સિટીની વિજીલન્સની ટીમની હાજરીમાં બબાલ
વડોદરાની MS યુનિવર્સિટીમાં મારામારી
વડોદરાની MS યુનિવર્સિટીમાં ફુટબોલ મેચ રમાઈ રહી હતી તે દરમિયાન અસામાજીક તત્વો અને વિદ્યાર્થીઓ વચ્ચે મારામારીની ઘટના સર્જાઈ હતી. ત્યારે યુનિવર્સિટીની વિજિલન્સની ટીમ મુકપ્રેક્ષક બની આ સમગ્ર ઘટનાનો તમાસો જોઈ રહી હતી. જો કે, ઘટનાની જાણ થતા પોલીસ કાફલો સ્થળ પર દોડી આવ્યો હતો. જ્યારે પોલીસ પણ આ ઘટનાને કાબૂમાં લઈ શકી ન હતી.
ફૂટબોલ ટુર્નામેન્ટની મેચ દરમિયાન થઈ મારામારી
આ અંગે પ્રાપ્ત માહિતી અનુસાર વડોદરાની MS યુનિવર્સિટીમાં મારામારીની ઘટનાથી શહેર પોલીસ દોડતી થઈ હતી. મહત્વનું છે કે, ગત મોડી રાત્રે યુનિવર્સિટીમાં મારામારીની ઘટના બની હતી. MS યુનિવર્સિટીમાં હાલ ફુટબોલ ટુર્નામેન્ટ ચાલી રહી છે. ત્યારે ગઈકાલ રાત્રે 11 વાગ્યાની આસપાસ યુનિવર્સિટીના ગ્રાઉન્ડમાં ફુટબોલ ટુર્નામેન્ટની સેમિફાઈનલ મેચ રમાઈ રહી હતી.
યુનિવર્સિટીની વિજીલન્સની ટીમની હાજરીમાં બબાલ
તે દરમિયાન યુનિવર્સિટીની બીબીએ બિલ્ડિંગ ખાતે કેટલાક અસામાજિક તત્વો ઘુસી આવ્યા હતા. ફતેગંજ અને ફતેપુરાથી કેટલાક અસમાજીક તત્વોએ યુનિવર્સિટીમાં ઘુસી વિદ્યાર્થીઓને માર માર્યો હતો. જો કે, ફુટબોલ ટૂર્નામેન્ટની સેમીફાઈનલ મેચ દમરિયાન મારામારીના આ દ્રશ્યો સર્જાતા યુનિવર્સિટીની વિજિલન્સની ટીમ મુકપ્રેક્ષક બનીને તમારો જોતી રહી હતી. સમગ્ર ઘટનાની જાણ થતા પોલીસ કાફલો સ્થળ પર દોડી આવ્યો હતો અને ટોળાને વિખેરી સ્થિતિ પર કાબુ મેળવવાનો પ્રયાસ કર્યો હતો પરંતુ પોલીસ પણ આ ઘટનાને કાબૂમાં લઈ શકી ન હતી.