આ કઈ રીતે શક્ય છે? / 40 દિવસના બાળકના પેટ હતું ભ્રૂણ, તપાસ કરતા ડૉક્ટરોની પણ આંખો પહોળી રહી ગઈ

• 40 દિવસના બાળકાન પેટમાં હતું ભ્રૂણ 
• બાળક પેશાન ન કરતા ડોક્ટર પાસે લઈ ગયા 
• તપાસ કરતા ચોંકી ગયા ડોક્ટર્સ 

દુનિયામાં ક્યારેક એવી ઘટનાઓ બને છે કે લોકો સાંભળીને પોતાનું માંથુ પકડી લે છે. આવી જ એક ઘટના બિહારના મોતિહારી જિલ્લામાં જોવા મળી હતી. આ જોઈને ખુદ ડોક્ટરો પણ આશ્ચર્યચકિત થઈ ગયા. અહીં તપાસમાં ડોક્ટરોને માત્ર 40 દિવસના બાળકના પેટમાં ભ્રૂણ મળી આવ્યું હતું.

બાળકના પેટમાં હતો સોજો 
બિહારના મોતિહારમાં રહેતું 40 દિવસનું બાળક યોગ્ય રીતે પેશાબ કરી રહ્યું ન હતું. તેનું પેટ પણ દેખાવમાં વિચિત્ર લાગતું હતું. આવી સ્થિતિમાં બાળકના માતા-પિતા ચિંતામાં મુકાઈ ગયા હતા. તે બાળકને સારવાર માટે મોતિહારીના રહેમાનિયા મેડિકલ સેન્ટર લઈ ગયા. 

સીટી સ્કેનમાં સામે આવી હકીકત 
રહેમાનિયા મેડિકલ સેન્ટરના ડૉ. તબરેઝ અઝીઝે પેટની નજીકના સોજાના કારણોની તપાસ કરવા માટે બાળકનું સીટી સ્કેન કરવાનું કહ્યું. જ્યારે રિપોર્ટ્સ આવ્યા ત્યારે ડૉક્ટરો આ unusual medical anomaly જોઈને ચોંકી ગયા કારણ કે બાળકના પેટની અંદર ગર્ભનો વિકાસ થઈ રહ્યો હતો.

બાળકને હોસ્પિટલમાંથી રજા આપવામાં આવી
આ પછી બાળકની સર્જરી કરવામાં આવી અને હવે તેની હાલત સ્થિર છે. સારવાર કરી રહેલા ડૉક્ટર અઝીઝે આ દુર્લભ ઘટના વિશે જણાવ્યું અને કહ્યું કે બાળકને પણ હોસ્પિટલમાંથી રજા આપવામાં આવી છે.

ખૂબ જ દુર્લભ છે આ વિસંગતિ 
તમને જણાવી દઈએ કે આ દુર્લભ તબીબી વિસંગતતાને 'Foetus in Foetu' ભ્રૂણમાં ભ્રૂણ કહેવામાં આવે છે. તેનો અર્થ બાળકના ગર્ભાશયમાં ગર્ભની હાજરી હોવી. આ ખૂબ જ દુર્લભ કેસ છે. વિશ્વભરમાં 5 મિલિયન દર્દીઓમાંથી માત્ર એકમાં થાય છે.