ગામડાંથી વિલેજ / 2,000ની વસ્તીવાળા મોરવડ ગામમાં ખેતર જવા માટે પણ પાકા રસ્તા, CCTV, બેંકિંગની પણ સુવિધા

• ગીર સોમનાથનું મોરવડ આદર્શ ગામ 
• અહીના મોટા ભાગના રહીશો શિક્ષિત
• ગ્રામજનોને ટેકનોલોજી શિક્ષણમાં રૂચિ

ગામની વાત આવે કે તરત તમામ લોકોના સામે ગાય, ભેંસ ગામના પાદરે રહેલો વડલો જ દેખાય. ગામમાં ઠેર ઠેર કીચડ હોય તેવા કાચા રસ્તા લોકોની નજર સમક્ષ આવે. ગામમાં ગંદકીના ઢગલા હોય તેવા દ્રશયો મગજમાં આવતા હોય છે પરંતુ અમે તમને જે ગામ ની વાત કરવા જઈ  રહ્યા છીએ તે હવે વિલેજ બની ગયા છે.. આગામી ગ્રામ પંચાયતની ચૂંટણી પહેલા અમે તમને વિકાસશીલ ગામો બતાવીશું જે શહેરની સરખામણી કરી રહ્યા છે. તો આવો તમને એવા ગામ મોરવડનો પરિચય કરાવીએ.

ગીર સોમનાથનું મોરવડ -સ્વચ્છ,સ્વસ્થ 

ગીર સોમનાથનું મોરવડ ગામ સમગ્ર રાજ્ય માટે આદર્શ બન્યું છે. આ ગામ સ્વચ્છ અને સ્વસ્થ ગામ તરીકે ઓળખાય છે. ગામના મોટા ભાગના રહીશો શિક્ષિત છે. ગામના મુખ્ય માર્ગો પર શહેરી વિસ્તારના જેમ CCTV લાગેલા છે. આ ગામમાં રોજ પીવાનું પાણી 1 કલાક મળે છે. તો પ્રધાનમંત્રી આવાસ યોજના અને મુખ્યમંત્રી ગ્રામ સડક યોજનાનો અહીં પૂર્ણ અમલ થયો છે. આ ગામનો મુખ્ય વ્યવસાય ખેતી હોવા છતાં ગ્રામજનો શિક્ષણની સાથે વિજ્ઞાન અને ટેકનોલોજીથી જોડાયેલા રહે છે.. આ ગામ એન્ટ્રીમાં ગેટથી લઈને સમગ્ર ગામમાં પાકા રસ્તા અને બ્લોક નાંખેલા છે. આ ઉપરાંત ગામમાં સૌથી મોટી સમસ્યા પાણીની હતી વાસ્કો યોજના મારફતે ગામમાં બે ટાઈમ પાણી મળી રહે તેવી વ્યવસ્થા કરાઈ છે જેના કારણે ગામના લોકોને પાણીની સમસ્યા નથી.

 વિકાસની પારાશીશી,શહેર જેવી  

ગામનો વિકાસ સતત થઈ રહ્યો છે અને તેનો શ્રેય ગામના સરપંચ અને તેમની ટીમને આભારી છે. કોડિનારના મોરવડ ગામને આધુનિક ગામ બનાવવા સરપંચ પ્રયાસ કરતા હતા અને તેમણે સફળતા પણ મળી છે તેમની ઈચ્છા છે કે હજુ ગામનો વિકાસ થાય અને ગામ આદર્શ ગામ તરીકે ઓળખાય. ગામમાં હાલ તમામ ચોક પર CCTV લગાવ્યા છે જેથી ગામમાં કોઈ ગેરકાનુની કામ ન થાય. આ ઉપરાંત શિક્ષણની ગુણવત્તાને ટકાવી રાખવા સારી શાળા બનાવવામા આવી છે. આ ઉપરાંત અન્ય લોકોને પંચાયત ઓફીસમાંથી સંપૂર્ણ માર્ગદર્શ આપવામાં આવે છે. તમે જોઈ શકો છો આ ભાઈ કેવી રીતે લોકોને માહિતી આપે  છે. ગામના તમામ ચોક પર સ્પીકર લગાવ્યા છે. જેના થકી ગામમાં નવુ કઈ કરવાનું હોય સરકારની કોઈ યોજનાની માહિતી આપવાની હોય તો તે સ્પીકરના માધ્યમથી આપી શકે છે.

બે હજારની વસતીમાં બેંક પણ છે 

મોરવડ ગામમાં આસપાસના ગામમાંથી પણ લોકો આવે છે. કારણ કે આ 2 હજારની વસતી ધરાવતા ગામમાં બેંકની સુવિધા છે. તેના કારણે બેંકનું કંઈ પણ કામ હોય ગામના લોકોને 5 કિલોમીટર દૂર જવુ પડતું નથી. બીજા ગામો માટે મોરવાડ ગામ પ્રેરણારૂપ ગામ બન્યું છે. ગ્રામ વિકાસની ઉત્કર્ષ યોજનાઓ, મુખ્ય મંત્રી ગ્રામ સડકયોજના, સ્વચ્છગામ, સમૃદ્ધ ગામ,પીવાના પાણીની વ્યવસ્થાની સુવિધા કરાઈ છે. 

માળખાકીય સુવિધાઓ 

કોડીનારનાં છેવાડાનું ગીર બોર્ડેરનું ગામ મોરવડ વાસ્તવમાં સ્માર્ટ ગામ બન્યું છે. આ એક ગામ ખરા અર્થમાં એવું છે કે, જે ગામમાં એક શહેર કરતા પણ વધુ સુવિધા ધરાવે છે. જેવી કે રોડ-રસ્તા, CCTV સિક્યોરિટી, સ્ટ્રીટ લાઈટ, વીજળી-પાણી, ગામમાં આધુનીક દવાખાનું, સ્કુલ, અધ્યતન ગ્રામપંચાયત સંકુલ તેમજ માળખાકીય સુવિધાઓ લોકો માટે ઉપલબ્ધ છે.તો ગામના ખેડૂતો માટે ખેતર સુધી જવાના રસ્તા પણ ઉપલબ્ધ છે. આ સ્માર્ટ વિલેજ મોરવડ આગામી દિવસોમાં ગુજરાતનાં 10 આદર્શ ગામોમાં જોડાવા માટેની સ્પર્ધા કરી રહ્યું છે.

આમ મોરવડ ગામના સરપંચ અને તેમની ટીમે કરેલી કામગીરીના વખાણ થઈ રહ્યા છે. અને ગામના લોકો પણ તેમનો આભાર માની રહ્યા છે કે, સરકારી યોજનાનોનો સંપૂર્ણ પણે લાભ મળવાથી સંતોષ માની રહ્યા છે. આ ગામના જેમ રાજ્યના અન્ય ગામો પણ હરિફાઈમાં આવે તો તમામ ગામ સ્માર્ટ ગામ બનશે.