ગુજરાતમાં સ્પા અને મસાજના ઓઠાં હેઠળ ચાલતા ધમધોકાર પાર્લર પર જયારે પોલીસ ધોંસ બોલાવે છે ત્યારે મોટાભાગના કેસમાં પરદા પાછળ લોહીના વેપારની કહાણી સામે આવે છે. મોટા શહેરો ફૂંકાયેલા સ્પાના ઝંઝાવાતી પવને નાના પણ ધનાઢ્ય શહેરોમાં પોતાનો પગપેસારો કરી દીધો છે. મહેસાણાના ગોકૂલધામ કોમ્પ્લેક્સમાં દેહવિક્રયના ધંધાનો પર્દાફાશ થયો છે. જોવાની ખૂબી એ છે કે,આ થાઈ સ્પાના રૂપાળા નામ હેઠળ ચાલતો દેહ વ્યાપાર એક સસ્પેન્ડેડ પોલીસ કોન્સ્ટેબલ ચલાવતો હોવાની માહિતીથી પોલીસબેડામાં ચકચાર મચી ગઈ છે.
મહેસાણાના ગોકૂલધામ કોપ્લેક્સની ઘટના
ગુજરાતના મોટા શહેરોમાં ચકચકિત ચામડી અને સૌન્દર્ય પામવાની હોડ મચી છે. ધનાઢ્ય પરિવારની મહિલાઓ નિયમિત રૂપે સ્પા અને મસાજથી પોતાના સૌન્દર્યને વધુ નિખાર આપતી હોય છે.પણ થાઈ સ્પાના રૂપાળા નામ હેઠળ દેહ વ્યાપાર ચાલતો હોય છે. જેમાં થાઈલેન્ડ,સિંગાપોર, જેવા દેશોની યુવતીઓ કામ કરતી હોય છે. આવું જ કઈક ચાલતું હતું ઉત્તર ગુજરાતના મહેસાણાના ગોકૂલધામ કોમ્પ્લેક્સમાં. એક સસ્પેન્ડેડ પોલીસ કર્મી આ થાઈ સ્પા ચલાવતો અને આડમાં દેહ વ્યાપાર કરાવતો હોવાની માહિતી મળી હતી. સ્થાનિક પોલીસને આ વિસ્તાર અંગે ફૂલ-પ્રૂફ માહિતી મળતા અહીં રેડ પાડવામાં આવી હતી.
શહેરમાં ચકચાર
મહેસાણાના ગોકૂલધામ કોમ્પ્લેક્સમાં પોલીસની છાપેમારી બાદ સમગ્ર ગોરખધંધાનો પર્દાફાશ થયો. થાઈ સ્પા સંચાલક સસ્પેન્ડેડ પોલીસ કોન્સ્ટેબલ તો ફરાર થયો પણ ભાગીદાર સહીત 3 સ્પા કર્મચારીઓની ધરપકડ કરવામાં આવી છે.નાના એવા મહેસાણામાં આ ઘટનાએ ચકચાર જગાવી છે