સંક્રમણ / રાજકોટની મારવાડી યુનિ.માં એક ઝાટકે 10 વિદ્યાર્થીઓ સંક્રમિત થતા ફફડાટ

• રાજકોટની મારવાડી યુનિ.માં 10 વિધાર્થીઓ કોરોના ગ્રસ્ત 
• શહેરના 30 જેટલા તબીબો પણ સ્ટાફ સાથે સંક્રમિત 
• મારવાડી યુનિ.ની એક બિલ્ડીંગ કન્ટેન્ટમેન્ટ ઝોનમાં 

રાજ્ય આખામાં કોરોનાનાં  કેસ વધ્યા છે ત્યારે રાજકોટમાં પણ ફફડાટ છે. એક તરફ શહેરના નામાંકિત તબીબો સંક્રમિત થયા છે ત્યાં બીજી બાજુ  મારવાડી યુનિવર્સિટીમાં કોરોના વિસ્ફોટ થતો હોય તેમ  10 વિદ્યાર્થી કોરોના સંક્રમિત થયા છે. વિધાર્થીઓ સંક્રમિત થયાના સમાચાર મળતા જ મારવાડી યુનિ.ની એક બિલ્ડીંગને કન્ટેન્ટમેન્ટ ઝોનમાં મુકાઇ છે. છેલ્લા 3 દિવસથી યુનિ. ખાતે વિધાર્થીઓનું  ટેસ્ટિંગ ચાલી રહ્યું છે. આ અગાઉ પણ અગાઉ 10 જેટલા વિદ્યાર્થી પોઝિટિવ આવી ચુક્યા છે. મારવાડી યુનિ. કેમ્પસમાં  વેલકમ 2020 પાર્ટી યોજાઇ હતી. ત્યાર બાદ કહેવાય છે કે, આ સંક્રમણ વધ્યું છે