ST વિભાગ દ્વારા વધુ રૂટો શરૂ ન કરવામાં આવતા એક બસમાં 150 જેટલા વિદ્યાર્થીઓ મુસાફરી કરવા માટે મજબુર. કોંગ્રેસના ધારાસભ્ય આનંદ ચૌધરી વિદ્યાર્થીઓ સાથે ધરણા પર બેઠા
દક્ષિણ ગુજરાતના માંડવીમાં આંદોલન
ST બસના પ્રશ્નો ના ઉકેલાતા થયું આંદોલન
વિદ્યાર્થીઓને કોંગ્રેસનો મળ્યો સાથ
.રાજ્યમાં ગાંધીનગર સિવાય કોંગ્રેસ સુશુપ્તાવસ્થામાં હોય તેવું નથી. સુરતના માંડવીમાં કોંગ્રેસી ધારાસભ્ય આનંદ ચૌધરી વિદ્યાર્થીઓની વહારે આવ્યા હતા. અનિયમિત બસ સેવાના વિરોધમાં કોંગ્રેસ અને વિદ્યાર્થીઓનું બસ રોકો આંદોલન યોજાતા ધારાસભ્યએ વિધાર્થીઓનું સમર્થન કર્યું હતું. માંડવીના બસ ડેપો મેનેજરને વારંવાર રજૂઆતો છતાં નિયમિત બસના પ્રશ્નો ઉકેલાતા નહોતા,પરિણામે વિધાર્થીઓએ આંદોલનનો માર્ગ અખત્યાર કર્યો હતો. શાળાઓ શરૂ થવા છતાં બંધ ST રૂટો શરૂ ન કરાતા વિદ્યાર્થીઓને શાળા,કોલેજ આવવામાં તકલીફ પડી રહી હતી.
ઓછી બસને કારણે 150 વિદ્યાર્થીઓ એક જ બસમાં મુસાફરી કરવા મજબૂર બન્યા હોવાના કારણે વિભાગને અનેકાનેક રજૂઆતો છતાં પરિણામ શૂન્ય આવ્યું હતું.
આંદોલનકારીઓની અટકાયત
સુરતના માંડવી બસ ડેપો ખાતે કોંગ્રેસના ધારાસભ્ય આનંદ ચૌધરી વિદ્યાર્થીઓ સાથે ધરણા પર બેઠા હતા.કોરોનાકાળમાં ST વિભાગ દ્વારા માંડવી બસ ડેપો ખાતેથી ST રૂટો બંધ કરવામાં આવ્યા હતા.હાલમાં કોરોના નિયંત્રણમાં આવતા ફરીથી ST બસો શરૂ કરવામાં આવી છે,ત્યારે વિદ્યાર્થીઓ શિક્ષણ કાર્ય માટે ST બસનો ઉપયોગ કરી રહ્યા છે.ST વિભાગ દ્વારા વધુ રૂટો શરૂ ન કરવામાં આવતા એક બસમાં 150 જેટલા વિદ્યાર્થીઓ મુસાફરી કરવા માટે મજબુર થયા છે.વિદ્યાર્થીઓએ આ સમસ્યાને લઈને અનેકવાર ડેપો મેનેજરને રજૂઆત કરી હોવા છતા સમસ્યાનો કોઈ અંત ન આવતા આખરે વિદ્યાર્થીઓ માંડવી ડેપો ખાતે ધરણા પર બેઠા હતા.ત્યારે વિદ્યાર્થીઓના આ ધરણા પર કોંગ્રેસના ધારાસભ્ય આનંદ ચૌધરીએ પણ સમર્થન આપીને બસ રોકો આંદોલનને સફળ બનાવવાનો પ્રયાસ કર્યો હતો.આંદોલનના કારણે માંડવી બસ ડેપો ખાતે અવ્યવસ્થા સર્જાતા પોલીસે વિરોધ કરી રહેલા ધારાસભ્ય સહિત કોંગ્રેસના કાર્યકરોની અટકાયત કરી લીધી હતી.