મહારાષ્ટ્ર / ચાલતી બસમાં ડ્રાઈવરને હાર્ટ એટેક આવ્યો, પછી મહિલા પેસેન્જરે કર્યુ કંઈ એવું જે જાણી તમે પણ સલામ કરશો  

• બસ થોડે દૂર ચાલ્યા બાદ ડ્રાઈવરને હાર્ટ એટેકના ચિહ્નો દેખાયા
• ડ્રાઈવરની આ હાલત જોઈને બસમાં સવાર પેસેન્જરો હેરાન થઈ ગયાં
• આ બનાવ દરમિયાન બસના ડ્રાઈવરને બે વાર સ્ટ્રોક આવ્યો 

બસ થોડે દૂર ચાલ્યા બાદ 40 વર્ષીય ડ્રાઈવરને હાર્ટ એટેકના ચિહ્નો દેખાયા

એક મીડિયા રિપોર્ટ્સ અનુસાર મામલો 8 જાન્યુઆરીનો છે. વાઘોલીની મહિલાઓ મોરાચી ચિંચોલીમાં પિકનિક માટે ગઈ હતી. આખો દિવસ પિકનિક માણ્યા બાદ જ્યારે તમામ લોકોએ પરત ફરવાની તૈયારી કરી અને બસમાં ઘરે પરત ફરવાનું શરૂઆત કર્યું આ દરમિયાન બસ થોડે દૂર ચાલ્યા બાદ 40 વર્ષીય ડ્રાઈવરને હાર્ટ એટેકના ચિહ્નો દેખાવા માંડ્યા જેને લઈને પિકનિકનું આયોજન કરનાર મહિલાએ ડ્રાઈવરને બસને રોકવા કહ્યું.

બસ ઉભી રખાતા  જ ડ્રાઈવરને હાર્ટ એટેક આવ્યો 

અહેવાલો અનુસાર જેવી બસ ઉભી રહેતાં જ ડ્રાઈવરને હાર્ટ એટેક આવ્યો હતો. ડ્રાઈવરની આ હાલત જોઈને તમામ મહિલાઓ હેરાન થઈ ગઈ, પરંતુ તેમાંથી એક મહિલાએ કમાન્ડ સંભાળ્યો અને જીવનમાં પહેલીવાર બસનું સ્ટિયરિંગ પકડી લીધું. મહિલાનું નામ યોગિતા સાટવ જણાવવામાં આવી રહ્યું છે. મહત્વનું છે કે, ડ્રાઈવરને સારવારની જરૂર હતી અને સાટવ કાર કેવી રીતે ચલાવવી તે જાણે છે. આવી સ્થિતિમાં તેણે બહાદુરીથી મુસાફરી શરૂ કરી અને 10 કિમી દૂર ગનેગાંવ ખાલસા પહોંચ્યો.

આ બનાવ દરમિયાન બસના ડ્રાઈવરને બે વાર સ્ટ્રોક આવ્યો 

આ દરમિયાન ડ્રાઈવરને બે વાર સ્ટ્રોક આવ્યો હતો. બસ ડ્રાઈવરને ગનેગાંવ ખાલસામાં પ્રાથમિક સારવાર આપવામાં આવી હતી. જો કે, પાછળથી અન્ય ડ્રાઈવર સ્થળ પર પહોંચી ગયો હતો અને બસને શિકારપુર હોસ્પિટલમાં લઈ જવામાં આવી હતી. આ પછી મહિલાઓને સુરક્ષિત રીતે વાઘોલી ખાતે મુક્ત કરવામાં આવી હતી.