મધ્યપ્રદેશના પન્ના જિલ્લામાં એક ખેડૂતે સરકારને પટ્ટા પર આપેલી જમીનમાં ખોદકામ કરવામાં 6.47 કેરેટનો હિરો મળ્યો છે.
ખોદકામ કરતી વખતે હાથ લાગ્યો જેકપોટ
ખેડૂતની કિસ્તમ ચમકી
હાથ લાગ્યો 6.47 કેરેટનો હીરો
મધ્યપ્રદેશના પન્ના જિલ્લામાં એક ખેડૂતને સરકાર પાસેથી મળેલી ભાડાપટ્ટાની જમીનમાં ખોદકામમાં ઉચ્ચ ગુણવત્તા વાળા 6.47 કેરેટના હીરા મળ્યા છે. આ ખેડૂતને પાછલા બે વર્ષમાં ખોદકામમાં છઠ્ઠી વખત હીરા મળ્યા છે. જિલ્લામાં પ્રભારી હીરા અધિકારી નૂતન જૈને શનિવારે જણાવ્યું કે જરૂઆપુર ગામમાં એક ખોદકામમાં શુક્રવારે પ્રકાશ મજૂમદારને આ હીરા મળ્યા. તેમણે જણાવ્યું કે 6.47 કેરેટના આ હીરાને આગામી ઓક્શનમાં વેચાણ માટે મુકવામાં આવશે અને કિંમત સરકારના દિશા નિર્દેશો અનુસાર નક્કી કરવામાં આવશે.
6.47 કેરેટનો હીરો મળ્યો
મજૂમદારે કહ્યું કે, હરાજીથી મળેલી રકમથી તે પોતાના ચાર ભાગીદારોની સાથે શેર કરશે. તેમણે જણાવ્યું કે, "અમે પાંચ ભાગીદાર છીએ. અમને 6.47 કેરેટનો હીરો મળ્યો છે. જેને અમે સરકારી હીરા કાર્યાલયમાં જમા કરાવી દીધો છે." મજૂમદારે જણાવ્યું કે તેમને ગયા વર્ષે 7.44 કેરેટનો હીરો મળ્યો હતો. આ ઉપરાંત તેમને પાછલા બે વર્ષોમાં 2થી 2.5 કેરેટના ચાર અન્ય કિંમતી હીરા પણ ખનનમાં મળ્યા હતા.
કિંમત લગભગ 30 લાખ રૂપિયા
અધિકારીઓએ જણાવ્યું કે આ હિરાની હરાજી કરવામાં આવશે અને તેમાંથી મળતી ઈનકમને સરકારી રોયલ્ટી અને ટેક્સ કપાત બાદ ખેડૂતોને આપવામાં આવશે. ખાનગી અનુમાન અનુસાર હરાજીમાં 6.47 કેરેટના હીરાની કિંમત લગભગ 30 લાખ રૂપિયા હોઈ શકે છે.
મધ્ય પ્રદેશના બુંદેલખંડ વિસ્તારમાં સ્થિત પન્ના જિલ્લામાં લગભગ 12 લાખ કેરેટના હીરાની ખાણ હોવાનો અનુમાન છે. પ્રદેશ સરકારે પન્ના હીરા અનામત ક્ષેત્રમાં સ્થાનીક ખેડૂતો અને મજૂરોને હીરાના ખનન માટે જમીનના નાના નાના ટૂકડાં પટ્ટા પર આપે છે. ખનનમાં પ્રાપ્ત હીરાને ખેડૂત અને શ્રમિક, જિલ્લા હીરા અધિકારીની પાસે જમા કરાવે છે.