દહેજ / 9 કરોડ રૂપિયા, બંગલો અને મર્સિડિઝ કાર લઈને જ આવજે, અમદાવાદની યુવતીને દુબઈ રહેતા સાસરિયાંનો ત્રાસ

• દહેજ પેટે કરોડો રૂપિયા માગી ત્રાસ આપતો હોવાની નોંધાવી ફરિયાદ
• સાસરિયાંના દબાણવશ યુવતીએ એબોર્શન કરાવ્યું હતું.
• વર્ષ 2019માં અમદાવાદની યુવતીના દુબઇમાં થયા હતા લગ્ન

સભ્ય સમાજમાં અનેક એવા કિસ્સાઓ છે જેમાં સાસરિયાં દ્વારા દહેજની માગણી કરાતી હોય, અને દબાણવશ થઈ દીકરીનો પરિવારએ માંગ સામે ઝૂકી જાય, અથવા કેટલાય પરિવારો એ આશા સાથે માંગ પૂરી કરતાં હશે કારણ કે દીકરીના ખુશહાલ જીવનનો સવાલ છે. દહેજ લેવું અને માગવું બંને ગુનો છે. પણ દુબઈ પરણેલી અમદાવાદની દીકરી પાસે એવી માગ કરાઇ કે ન તેને પૂરી કરવા પરિવાર સક્ષમ હતો, ન દીકરી રાજી હતી. દીકરીએ દહેજની ના કહેતા માનસિક ત્રાસ અપાતો તેને ટૉર્ચર કરવામાં આવતી.  

9 કરોડ રૂપિયા, બંગલો અને મર્સિડિઝની કરી હતી માગ

આ તો કેવા સાસરિયાં જેમાં પારકા ઘરની દીકરી લઈ તો જાય છે પણ તેની સાથે પોતાની દીકરી જેવો નહીં પણ એક દાનવ જેવો વ્યવહાર કરવામાં આવે છે. વર્ષ 2019માં એક  મેટ્રોમોનિયલ ઓનલાઈન સાઇટના માધ્યમથી અમદાવાદની યુવતીના દુબઈમાં લગ્ન થાય હતા. શરૂઆતમાં તો બધુ ઠીક ચાલી રહ્યું હતું પણ દિવસો જતાંની સાથે જ સાસરિયાંની ખોરી દાનતનો યુવતી શિકાર બનવા માંડી, પહેલા દહેજ પેટે નાની મોટી રકમની માગણી કરી, તેનાથીએ ભૂખ ન સંતોષાતા  સાસરિયાઓએ  9 કરોડ રૂપિયા, બંગલો અને મર્સિડિઝ કારની માંગ કરી, માગ એટલી મોટી હતી કે યુવતીનો પરિવાર આ માટે સક્ષમ ન હતો. અને યુવતી પણ તેના પિતા પાસે આવી માગણી કરવાની ના કહી રહી હતી.  આથી સાસરિયાં પક્ષે તેને ત્રાસ આપવાનો શરૂ કર્યો અને વારંવાર દહેજની બાબતે તેને ટૉર્ચર કરવામાં આવી.તેને માનસિક અને શારીરિક ત્રાસ આપી દહેજ લાવવાની માગ સતત વધતી જતી હતી. આખરે યુવતી ચોખ્ખી ના પાડી દેતા તેના પતિ સહિત સાસરિયાઓએ તેને બાલાવાની પણ બંધ કરી દીધી હતી. 

દબાણવશ યુવતીએ એબોર્શન કરાવ્યું

સાસરિયાના અત્યારનો ભોગ બની રહેલી મહિલાને એ હેદ  સુધી હેરાન કરવામાં આવી કે  સરિયાંના દબાણથી યુવતી બાળક ન રાખવા મજબૂર બની હતી. આખરે કંટાળી દબાણવશ થઈ યુવતીને પોતાના બાળકને કૂખમાં જ મારી નાખવું પડ્યું હતું એટલે કે એબોર્શન કરાવવાનો વારો આવ્યો હતો. જે બાદ યુવતીને 9 કરોડ રૂપિયા, બંગલો અને મર્સિડિઝ કાર લઈને જ ઘરમાં આવજે તેવા ટોણાં મારી તેને ધિક્કારવામાં આવી. 

યુવતીએ સાસરિયા સામે નોંધાવી ફરિયાદ

દહેજ લેવું અને માગવું બંને ગુનો છે, તેના માટે કાયદામાં કડકમાં કડક સજા ફટકારવામાં આવે છે ત્યારે માનસિક અને શારીરિક બંને ત્રાસથી કંટાળી ગયેલી યુવતીએ સાસરિયાં સામે પોલીસ સમક્ષ ફરિયાદ નોંધાવી છે. અને દહેજ પેટે કરોડો રૂપિયા આપી ત્રાસ અપાતો હોવાનો પોલીસ સમક્ષ ખુલાસો પણ કર્યો છે. પોલીસ પણ સમગ્ર મામલે ગુનો નોંધી તપાસ હાથ ધરી છે. ત્યારે જોવું રહ્યું કે અમદાવાદની આ યુવતીને ક્યારે ન્યાય મળે છે અને ક્યારે લાલચુ સાસરિયાંઓને જેલના સળિયા પાછળ ધકેલી દેવાય છે તે આવનાર સમયમાં જ ખબર પડશે.