દુષ્કર્મ / વિધર્મી યુવકે વિદેશ લઈ જવાની લાલચ આપી ખેડાની યુવતીને બનાવી હવસનો શિકાર, 5 લાખ રૂપિયા પણ પડાવ્યા

• ખેડામાં વિધર્મી યુવકે નોકરીની લાલચ આપી દુષ્કર્મ
• યુવતીને 4 મહિના સુધી હવસનો શિકાર બનાવી
• પોલીસે  10 શખ્સ વિરુદ્ધ ફરિયાદ નોંધી તપાસ હાથ ધરી 

યુવતીને 4 મહિના સુધી હવસનો શિકાર બનાવી

રાજ્યમાં મહિલાઓ અને બાળકીઓ પર દુષ્કર્મના કેસોમાં દિન-પ્રતિદિન વધારો થઈ રહ્યો છે. ત્યારે ખેડામાં નોકરીની લાલાચ આપીને વિધર્મી યુવકે એક યુવતીને 4 મહિના સુધી હવસનો શિકાર બનાવવાની ઘટના સામે આવી છે.

વિદેશમાં નોકરીના લાલચે દુબઈ મોકલી

વિધર્મી યુવક યાસરખાન પઠાણ નામના શખ્સે યુવતીને પ્રેમજાળમાં ફસાવીને વિદેશમાં નોકરી અપાવવાની લાલચ આપી હતી. ત્યાર બાદ યુવતીને દુબઈ મોકલી હતી. જ્યાં 15 દિવસ રાખી હતી. અને યુવતી પાસેથી 5 લાખ રૂપિયા પણ પડાવ્યા હતા. માતા-પિતાને એમ કે તેમની દીકરી પોલેન્ડમાં છે. જોકે 15 દિવસ યુવતીને દુબઈમાં રાખ્યા બાદ પરત લાવવામાં આવી હતી

પોલીસે 10 શખ્સ વિરુદ્ધ ફરિયાદ નોંધી

બાદમાં તેને ખેડામાં જ ગોંધી રાખીને દુષ્કર્મ આચરવામાં આવ્યું. યુવતીને 4 મહિના સુધી હવસનો શિકાર બનાવાઈ હતી. જો કે, યુવતી આરોપીઓના ચુંગાલમાંથી છૂટી જતાં માત-પિતાનો સંપર્ક સાધ્યો હતો. ત્યાર બાદ આ મામલો સામે આવ્યો છે.ખેડા પોલીસે આ કેસમાં 10 આરોપી વિરુદ્ધ ફરિયાદ દાખલ કરી છે.