ખડોલ ગામ / VIDEO: આવું હોવું જોવે! જિતેલા સરપંચે હારેલા ઉમેદવારને ઘરે બોલાવીને જે કર્યું તે જોઈને આખા ગામની છાતી ગજગજ ફૂલી

• ખડોલમાં જોવા મળી ખેલદિલી
• વિજેતા સરપંચને હરીફ ઉમેદવારે પહેરાવ્યો હાર!
• જીત બાદ સરપંચે હરીફના હાથે જ પહેર્યો હાર

ગ્રામ સ્વરાજની ચૂંટણી એટલે ગામમાં ડખાનું ઘર, એક સામટા રહી એકમેક થઈ રહેતા વડીલો કે યુવાનો ચૂંટણી ટાણે બધુ ભૂલી બસ સત્તાની હોડમાં સામ સામે આવી જતાં વિચાર પણ ન કરે. આ વખતની ચૂંટણીમાં ઘણા ગામો સમરસ પણ થયા પણ અનેક ગામો એવા છે જ્યાં ચૂંટણીના પરિણામ બાદ મારામારી થઈ, અરે ક્યાંય તો ખેતરના ઊભા પાકને અદાવતમાં બાળી નાખવાની ઘટના પણ ઘટી, અને કયાક ચૂંટણીમાં હત્યાઓ પણ થઈ પણ આજે વાત કરવી છે ચૂંટણીમાં પણ ખેલદિલીની અને આવું જ કઈક બન્યું બનાસકાંઠાના ખડોલ ગ્રામ પંચાયત, જ્યાં હરીફ ઉમેદવારે જીતેલા ઉમેદવારને સૌની સામે સન્માન આપી હારતોરા કર્યા અને આખાય ગુજરાતને એક મેસજ આપ્યો કે ચૂંટણી ટાણે કોઈ ખટાશ હોય તો તેને મીઠાશમાં બદલવા બસ એક વિચારની જરૂર હોય છે. અને તે ખડોલ ગ્રામપંચાયત ચૂંટણીમાં જોવા મળ્યું.

જીત બાદ સરપંચે હરીફના હાથે જ પહેર્યો હાર
બનાસકાંઠાના ખડોલ ગ્રામ પંચાયતની ચૂંટણી એવા દ્રશ્યો સર્જાયા કે ગુજરાતના દરેક ગામે કોઈ શીખ લેવાની જરૂર છે. ચૂંટણીમાં વિજેતા સરપંચને હરીફ ઉમેદવારે હાર પહેરાવી જીતના અભિનંદન આપ્યા, અને સામે જીત બાદ પણ સરપંચે પ્રથમવાર હરીફના હાથે જ હાર પહેર્યો. આ કોઈ સામન્યા વાત નથી આજ કાલના રાજકારણમાં આવા દ્રશ્યો ઓછા જોવા મળે છે અને એટલે તેની અલગ છાપ ઉભરાઇ આવે છે. ગામ લોકો વચ્ચે ચૂંટાયેલા સરપંચ અને પૂર્વ સરપંચે ગામ વિકાસ માટે ખાતરી આપી તો ગામ અને સર્વ સમાજ સહિત આ વાતને લોકો સોશિયલ મીડિયા ખૂબ પસંદ કરી. ઘણા ગામોમાં ચૂંટણી પરિણામ બાદ બબાલની તસવીરો સામે આવી પણ આ નાનકડા ગામે, પૂર્વ સરપંચ અને નવનિયુક્ત સરપંચ જે કરી દેખાડ્યું તે કાબિલે દાદ છે.

જીતેલા ઉમેદવારે હરીફ ઉમેદવાર વિશે શું કહ્યું?
આ મારા વડીલ કહેવાય તમામ સભ્યોના ઉમેદવાર પણ મારા ભાઈ સમાન છે. ઈ લડ્યા અને ચૂંટણી ચૂંટણીની રીતે લડ્યા તોય મૈ એવું વિચાર્યું કે ના મારા તમામ સમર્થકોને એકઠા કરી કહ્યું કે ગામે આપેલા આદેશથી હું ખુશ પણ પણ, હું હાર મારી સામે હારેલા હરીફ ઉમેદવાર જ્યારે મને ખુશીથી હાર પહેરાવશે ત્યારે હું હાર પહેરીશ. ગ્રામજનો સમક્ષ માફી માંગતા કહ્યું કે ચૂંટણી દરમિયાન મારાથી કોઈ ભૂલ થઈ હોય તો મને માફ કરશો અને અને વોટ આપ્યો અને આને ન આપ્યો એવું ન કરતાં, મને તમામે મત આપ્યો છે એટલે જ હું જીત્યો છું અને અમે બંને સાથે મળી ગામનો વિકાસ કરીશું એની ગેરંટી આપું છું. 

હારેલા ઉમેદવારે હાર પહેરાવતા શું કહ્યું?
મે પણ હિરજીભાઈને વચન આપ્યું હતું કે જો તમે જીતશો તો હું તમને પહેલો હાર પહેરાવીશ અને જો હું જીતુ તો તમે મને પહેલો હાર પહેરાવજો. અને આજે હું એ વચન પૂરું કરું છું. ગામ માટે જીતેલા ઉમેદવારનાં વખાણ કરતાં કહ્યું કે ગામ માટે કૃષ્ણ બન્યો છે ગામનો વિકાસ કરે તે માટે અભિનંદન આપું છું. હું હરહમેશ બધુ ભૂલી તમારી સાથે છું. કોઈ પણ મારા કાર્યની જરૂર પડે તો હું અડધી રાત્રે પણ હાજર હશું.