કચ્છમાં મંદિરે જઈ રહેલા વૃદ્ધા ખડીરના રણમાં બેભાન થઈ જતાં મહિલા પોલીસકર્મી 5 કિમી સુધી પીઠ પર ઊંચકીને લઈ ગયા, વીડિયો જોઈ તમે પણ કરશો સલામ
કચ્છ પોલીસની સરાહનીય કામગીરી
રણમાં બેભાન થયેલી વૃદ્ધાને કરી મદદ
મહિલા કર્મી 5 કિમી પીઠ પર લઇ ચાલ્યા
અનેકવાર પોલીસ કર્મચારીઓ નાગરિકોની એવી મદદ કરે છે, જે તેમના ફરજમાં આવતી નથી. ,ત્યારે રાપર પોલીસની મહિલા કર્મચારીએ એવુ કામ કર્યું જેને સલામ કરવી પડે. કચ્છના ડુંગર પર યોજાયેલી મોરારી બાપુની રામકથામાં જવા માટે એક વૃદ્ધા અસક્ષમ હતા, તેથી મહિલા કર્મચારી તેમને ખભે ઉપાડીને ઉપર લઈ ગયા હતા.
ખડીરના રણ વિસ્તારમાં મંદિરે દર્શને જઇ રહ્યા હતા વૃદ્ધા
આ અંગે પ્રાપ્ત વિગતો અનુસાર કચ્છની ખડીરનામાં ભંજડા દાદાના મંદિરથી 5 કિ.મી દૂર સફેદ રણમાં એક મોટો ડુંગર આવેલો છે. આ ડુંગર ઉપર જૂના ભંજડા દાદાનું મંદિર આવેલું છે. એ દરમિયાન મોરારિબાપુની રામકથા સાંભળવા આવતા ભક્તો અવારનવાર આ ડુંગર પર ચાલીને દર્શન કરવા જતા હતા. ત્યારે એક 86 વર્ષનાં વૃદ્ધ માજીને પણ ડુંગર ઉપર બેઠેલા જૂના ભંજડા દાદાનાં દર્શન કરવાની ઈચ્છા થતાં ચાલી નીકળ્યાં હતાં. છેક ડુંગર સુધી પહોંચીને અડધા ડુંગરનાં પગથિયાં ચડતી વખતે તેમને ચક્કર આવ્યાં હતાં અને તેઓ પડી ગયાં હતાં. આસપાસ રણ વિસ્તાર હોવાથી પીવાનું પાણી ન મળવાને કારણે તેઓ બેહોશ થઈ ગયાં હતાં.
5 કિલોમીટર દૂર આરોગ્ય કેન્દ્ર ખાતે સારવાર માટે પહોંચાડ્યા વૃદ્ધાને
આ દરમિયાન મોરારિબાપુની ચાલી રહેલી રામકથા દરમિયાન બંદોબસ્તમાં હાજર રાપર પોલીસ સ્ટેશનમાં ફરજ બજાવતાં મહિલા પોલીસકર્મચારીને માજી વિશે ખબર મળતાં તેઓ પાણી લઈને 5 કિ.મી ચાલીને ત્યાં પહોંચ્યા હતા. ઉપરાંત 86 વર્ષનાં વૃદ્ધ માજીને પ્રાથમિક સારવાર આપી, બાદમાં અશક્ત માજીને કથા સ્થળ સુધી 5 કિ.મી તેમના ખભા પર ઊંચકીને આરોગ્ય કેન્દ્ર ખાતે સારવાર માટે પહોંચાડ્યા લઈ આવ્યાં હતાં.