દિલ્હીનાં કેન્ટ વિસ્તારમાં આવેલા સ્મશાનમાંથી એક બાળકીની રહસ્યમય સંજોગોમાં લાશ મળી આવી હતી. આ મામલે પૂજારી સહિત ચાર લોકોની ધરપકડ કરવામાં આવી હતી.
દિલ્હીનાં કેન્ટ વિસ્તારમાં એક બાળકી સાથે રવિવારે એવી ઘટના બની હતી કે જે વાંચીને કોઈપણ માણસનું હ્રદય કાંપી ઉઠે
દિલ્હીનાં કેંટ વિસ્તારમાં એક સ્મશાન આવેલું છે. આ સ્મશાનમાં રવિ વારે નવ વર્ષની એક બાળકીની લાશ મળી આવી હતી. પોલીસ આપેલ નિવેદનમાં જણાવાયું હતું કે સ્મશાનના પૂજારી સહિત ચાર લોકોની આ ઘટના સંદર્ભે ધરપકડ કરવામાં આવી છે.
કુલરમાંથી પાણી ભરવા ગઈ હતી બાળકી
રવિવારે સાંજના સમયે એક નવ વર્ષની બાળકી કુલરમાંથી પાણી ભરવા ગઈ હતી. પોલીસ કહ્યું હતું કે તેનું મોત કરંટ લાગવાના કારણે થયું હતું પરંતુ ખરેખર શું બન્યું હતું એ તો બાળકીના પોસ્ટમોર્ટમ રિપોર્ટ આવ્યા બાદ જ જાણી શકશે. આ દરમિયાન બાળકીના પરિવારજનોએ તેની સાથે દુષ્કર્મ થયું હોવાનો આરોપ લગાવ્યો હતો.
પરિવારે લગાવ્યો આરોપ
પોલીસના જણાવ્યા અનુસાર બાળકી સાથે દુષ્કર્મ થયાનો આરોપ તેણીના પરિવારજનોએ લગાવ્યો હતો. આ વિષે વધારે માહિતી તો તપાસ બાદ જ મળી શકશે. પરંતુ જો પરિવારજનોની વાત સાચી હોય તો આ ઘટના ઘણા રહસ્યો સાથે લઈને આવશે એવું લાગી રહ્યું છે. આ ઉપરાંત પોલીસ અધિકારી જણાવ્યું હતું કે બાળકીના ડાબા હાથના કાંડા અને કોણીનાં ભાગે બર્ન માર્કસ એટલે કે દાઝ્યાનાં નિશાન પણ જોવા મળ્યા હતા.
માતાપિતાની પરવાનગી વગર જ અપાયો દાહ
બાળકીની માટે જણાવ્યું હતું કે પૂજારી રાધાસ્વામીએ તેને પોસ્ટમોર્ટમ કરી ડોકટરો બાળકીના અંગો વેચી દેતા હોવાનો ભય બતાવી પોલીસની પીસીઆર વાહનને બોલાવતા રોકી હતી. ત્યાર બાદ તેના વાલીની પરવાનગી વગર જ તેને અગ્નિદાહ આપી દેવામાં આવ્યો હતો. ત્યાર બાદ તેણીના માતા પિતાએ વલોપાત કરતાં ગામના લોકોએ પોલીસને બોલાવી લીધી હતી.
પોકસો એક્ટ હેઠળ કેસ દાખલ
પોલીસે આ મામલે તપાસ હાથ ધરી હતી. પોલીસ પૂજારીઓ સહિત ચાર વ્યક્તિની ધરપકડ કરી હતી. પોલીસે આ કેસમાં પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સીસ (POCSO) એક્ટના કલમ 506,342,201,34 હેઠળ કેસ દાખલ કર્યો હતો.
#JusticeForDelhiCanttGirl
Another Dalit girl raped and murdered, atleast this time police don't have to burn her at midnight without her family, the rapists burnt her alive
વધુમાં આ બાળકી દલિત બાળકી હોવાના સમાચાર પણ આવ્યા હતાં. અગાઉ દેશમાં દલિત બાળકીઓ સાથે આવી અનેક ઘટનાઓ બની હોવાથી સોશ્યલ મીડિયા પર લોકોની પ્રતિક્રિયા જોવા મળી હતી. લોકો બાળકીને ન્યાય મળે તેવી માંગ કરી રહ્યા છે.
આ ઘટનાએ સ્થાનિકોમાં રહસ્ય જગાડ્યું હતું તો આવનારા સમયમાં માસૂમ બાળકને ન્યાય મળે તેવિ અપેક્ષા લોકો રાખી રહ્યા છે.