નેટવર્થ / માત્ર એક વર્ષમાં આ શખ્સની અંબાણીની કુલ સંપત્તિ કરતા ડબલ વધી, બની શકે છે વિશ્વનો નંબર 1 ધનિક

• કોરોના કાળમાં પણ વધી સંપત્તિ 
• કંપનીના શેરોમાં 743 ટકાનો આવ્યો ઉછાળો 
• એલોન મસ્ક બની શકે છે દુનિયાના નંબર 1 અમીર 

બ્લૂમબર્ગ બિલિયોનર ઈન્ડેક્ષની માહિતી પ્રમાણે એલોન મસ્કની નેટવાર્થમાં ખૂબ જ સ્પીડથી વધારો થયો છે, તેમની કંપની space X અને Tesla ના શેરની કિંમતોમાં ઘણો વધારો થયો છે, હાલમાં તેઓ 181 અબજ ડોલર સાથે વિશ્વના બીજા નંબરના ધનાઢ્ય છે અને એમેઝોનના જેફ બેઝોસ કરતાં માત્ર 3 અબજ ડોલર જ પાછળ છે. 

બેઝોસ ઓ ક્ટોબર 2017 થી પ્રથમ નંબર પર છે

જેફ બેઝોસ ઓકટોબર 2017 થી જ આ સ્થાન પર છે તેમની કુલ સંપત્તિ 184 અબજ ડોલર જેટલી છે જો કે હવે બની શકે છે કે તેમના સ્થાનને એલોન મસ્ક દ્વારા ખતરો ઊભો થયો છે. નવેમ્બર 2020 માં, એલોન મસ્ક બિલ ગેટ્સને પાછળ રાખી વિશ્વના બીજા સૌથી ધનિક વ્યક્તિના નંબર પર પહોંચ્યા હતા. તે સમયે તેમની પાસે કુલ 128 અબજ ડોલરની સંપત્તિ હતી. છેલ્લા 12 મહિનામાં, એલોન મસ્કની સંપત્તિમાં150 અબજ ડોલરનો  (લગભગ 11 લાખ કરોડ) થી વધુનો વધારો થયો છે. આર્થિક મંદી અથવા કોરોના વાયરસ રોગચાળાને કારણે મસ્કની સંપત્તિ પર પણ કોઈ અસર થઈ નથી.

2020 માં ટેસ્લાના શેરમાં 743 ટકાનો ઉછાળો આવ્યો હતો

ખરેખર, મસ્કની સંપત્તિમાં આટલા મોટા વધારા માટેનું સૌથી મોટું કારણ તેની કંપની ટેસ્લાના શેરમાં જબરદસ્ત વધારો છે. 2020 માં કંપનીએ નફો બુક કરવાનું ચાલુ રાખ્યું હતું અને S&P 500 ઇન્ડેક્સમાં જોડાવાનું ચાલુ રાખ્યા પછી ટેસ્લાના શેરમાં 743 ટકાનો વધારો થયો છે.

ટેસ્લા દ્વારા જ આપવામાં આવેલી માહિતી બતાવે છે કે ગયા વર્ષે કંપનીએ 5 લાખ ઇલેક્ટ્રિક કારનું નિર્માણ અને ડિલિવરી કરી છે. મસ્કે પણ આ અંગે ટ્વીટ કર્યું છે. આ ટ્વિટમાં તેમણે લખ્યું કે, 'મને આ સીમાચિહ્ન હાંસલ કરવા માટે અમારી ટેસ્લા ટીમ પર ગર્વ છે.' તેમણે આગળ લખ્યું, 'ટેસ્લાની શરૂઆતમાં મને ફક્ત 10% જ આશા હતી કે અમે અહીં બચી શકીશું