ગુજરાત / માત્ર 4 જ દિવસમાં 14 લોકોના મોતથી કચ્છમાં હાહાકાર, સામે આવ્યાં ચોંકાવનારા રિપોર્ટ

કચ્છમાં શંકાસ્પદના કિસ્સામાં મૃત્યુઆંક ફરી એકવાર વધ્યો છે. જિલ્લાના લખપત તાલુકામાં શંકાસ્પદ મોતનો કેસ સામે આવ્યા હતા. જેમાં વધુ 2 લોકોના મોત થયા હોવાની માહિતી મળતા તંત્ર દોડતું થયું હતું.

14 લોકોના મોત

સમગ્ર ઘટનાને લઇ જિલ્લા કલેક્ટરે રિપોર્ટ અંગે માહિતી આપી હતી. જેમાં તેઓએ જણાવ્યું છે કે ગુજરાત સરકારની અને સ્થાનિક ટીમ આ ઘટનાને લઇ તપાસ કરી રહી છે. તપાસની કામગીરી વચ્ચે વધુ બે લોકોના મોત નિપજ્યા હતા. ત્યારે લખપતમાં અત્યાર સુધી કુલ 14 લોકોના મોત થયા છે.

આ પણ વાંચો: પશુપાલકોના હિતમાં ગુજરાત સરકારનો મોટો નિર્ણય, IVFથી ગર્ભધારણ કરતા પશુઓ માટે આ જિલ્લાઓમાં અપાશે સહાય, જુઓ કેટલી

તેઓએ વધુમાં જણાવ્યું હતુ કે મેડી ગામની મહિલા અને વધુ એક વ્યક્તિ સહિત 2 લોકોના મોત આજરોજ નિપજ્યા હતા. હાલ સુધીમાં 11 લોકોના રિપોર્ટ આવ્યા છે. આ રિપોર્ટમાં બે લોકોના મેલેરિયા અને એકનું ડેન્ગ્યૂથી મોત થયાનો ખુલાસો થયો હતો. ઉપરાંત બે વ્યક્તિનું બ્રેઇન સ્ટ્રોક અને એકનું હાર્ટ એટેકથી મોત થયા હોવાનું અને મૃતકોના બર્ડ ફ્લૂના સેમ્પલ લેવાયા હોવાનું જિલ્લા કલેક્ટરે જણાવ્યુ હતું.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ