જાપાન (Japan) ની એક કોર્ટે એક જાણીતા ટીવી રિપોર્ટર પર બળાત્કારનો આરોપ લગાવનારી મહિલા પત્રકારને 3.3 મિલિયન યેન આપવાનો આદેશ આપ્યો છે. શિઓરી ઇતો (Shiori Ito) એ નોરિયૂકી યામાગૂચી (Noriyuki Yamaguchi) પર આરોપ લગાવ્યો હતો કે, તેઓએ વર્ષ 2015માં બેભાન અવસ્થામાં શિઓરીની સાથે બળાત્કાર કર્યો હતો. આ મામલામાં પૂરતા પૂરાવા ન હોવાને પગલે યામાગૂચી પર ગૂનાકીય કેસ ન ચલાવીને સિવિલ કેસ જ ચલાવવામાં આવ્યો.
જાપાનની મહિલા પત્રકારે જીત્યો #MeToo કેસ
જાપાનમાં શિઓરી ઇતો #MeToo મૂવમેન્ટનો ચહેરો બની ગઇ
કોર્ટના નિર્ણય બાદ ઇતોએ કહ્યું કે તેઓ આ નિર્ણયથી ખુશ છે
નોંધનીય છે કે, જાપાનમાં શિઓરી ઇતો #MeToo મૂવમેન્ટનો ચહેરો બની ગઇ છે. કોર્ટ દ્વારા નિર્ણય સંભળાવ્યા બાદ ઇતોએ કહ્યું કે તેઓ આ નિર્ણયથી ખુશ છે. બીજી તરફ કોર્ટના નિર્ણય બાદ આરોપી યામાગૂચીએ કહ્યું કે તેઓ આ મામલામાં આગળ અપીલ કરશે. તેઓએ બળાત્કારના આરોપોને પણ ફગાવી દીધા.
શિઓરી ઇતો અનુસાર, વડાપ્રધાન શિંજો આબેના નજીકના યામાગૂચીએ 2015માં તેઓને ડિનર પર આમંત્રિત કરી હતી. ઇતોએ આશંકા દર્શાવી કે યામાગૂચીએ તેઓને કોઇ ડ્રગ આપ્યું હતું, જે બાદ આરોપીએ બળાત્કાર ગુજાર્યો.
બીબીસી મુજબ, શિઓરી ઇતોએ જણાવ્યું કે આ મામલામાં તેઓને તપાસ માટે એ હોટલની નજીકના પોલીસ સ્ટેશનમાં બોલાવવામાં આવી, જ્યાં તેઓની સાથે બળાત્કારની ઘટના થઇ. તેઓએ પોતાની મદદ માટે પોતાના એક મિત્રને પણ બોલાવ્યો હતો પરંતુ પોલીસે તેને સાથે રહેવા પર મનાઇ કરી દીધી. ઇતોએ મુજબ, પોલીસે પણ તેની સાથે દુરવ્યવહાર કર્યો અને તેઓની સાથે બની ઘટનાને લઇને ખોટી રીતે સવાલ પૂછ્યા.
લડાઇ લડવા માટે તૈયાર થઇ : શિઓરી ઇતો
ઇતોએ કહ્યું કે, આ તપાસ માટે જરૂરી છે, પરંતુ તે જાણતી હતી કે તેઓની સાથે ખુબ જ ખોટુ થઇ રહ્યું છે. ઇતોએ ત્યારબાદ પીડિતાની જગ્યાએ એક પત્રકારની જેમ વિચારવાનું શરૂ કર્યું. ઇતો કહે છે, ''આ ઘટનાને ત્યારબાદ મેં એક સ્ટોરીની જેમ ફોલો કરી. મારી અંગત લાગણીઓને દૂર રાખી હું મારી લડાઇ લડવા માટે તૈયાર થઇ ગઇ''. ઇતોએ યામાગૂચી પર 11 મિલિયન યેનનો એક સિવિલ કેસ કર્યો જેમા ચૂકવણી તરીકે આ રાશિ માંગવામાં આવી. નોંધનીય છે કે, યામાગૂચીએ ઇતો પર કેસ કર્યો હતો પરંતુ તેને કોર્ટે ફગાવી દીધો હતો.