મધ્ય પ્રદેશના ઇન્દોરમાં પરણીને રીસામણે જામનગરના દરેડ આવેલી પરિણીતા પર,ઇન્દોરથી આવેલા પતિએ ફાયરીંગ કરતા ચકચાર. પત્ની ઘાયલ.ફાયરિંગ કરીને પતિ થયો ફરાર
જામનગરમાં પતિએ કર્યું પત્ની પર ફાયરિંગ
ગૃહ કલેશ કારણભૂત હોવાનું અનુમાન
બે રાઉન્ડ ફાયરિંગ કરી પતિ થયો ફરાર
મધ્ય પ્રદેશના ઇન્દોરમાં પરણીને રીસામણે જામનગરના દરેડ આવેલી પરિણીતા પર,ઇન્દોરથી આવેલા પતિએ ફાયરીંગ કરતા ચકચાર મચી ગઈ હતી. મહિલા તેની પુત્રી સાથે દરેડના મુરલીધર પાર્કમાં રહેતી હતી.
પતિ-પત્ની વચ્ચે ચાલતા ગૃહ કલેશનો કેવો અંજામ આવે છે તેનો વધુ એક પુરાવો સામે આવ્યો હોય તેમ જામનગરમાં પતિએ જ પોતાની પત્નીને જાનથી મારી નાખવા હથિયારમાંથી ફાયરીંગ કર્યું ,અને બાદમાં ફરાર થઇ ગયો હતો. જામનગરના દરેડ ગામે મહિલા પર ફાયરિંગ થયાથી આસપાસમાં ચકચાર મચી ગઈ હતી. કહેવાય છે કે, પતિ-પત્ની વચ્ચે લાંબા સમયથી ચાલી રહેલા કંકાશના કારણે ઉશ્કેરાયેલા પતિએ દેશી હથિયારમાંથી ફાયરિંગ કર્યું હતું. બે રાઉન્ડ ફાયરિંગ કરી પતિ ફરાર થઇ જવા પામ્યો છે જ્યારે,મહિલાને ગંભીર સ્થિતિમાં હોસ્પિટલ ખસેડાઈ હતી.