રાજકોટ: જેતપુરમાં કોટન ફાઈબર બનાવના કારખાનામાં અચાનક આગ ફાટી નીકળી હોવાનું જાણવા મળ્યું છે. આગ લાગતાં ભાગદોડ મચી ગઇ હતી.
મળતી માહિતી અનુસાર આગ જેતપુર ધારેશ્વર ITI ની પાછળ આવેલ ૐ કોટન ફાયબર બનાવના કારખાનામાં લાગેલી હતી મોડી રાત્રે અચાનક આગ લાગવાની માહિતી એ જેતપુર ફાયર ફાયટરને દોડાવ્યા હતા અને જેતપુરના 3 જેટલા ફાયર ફાયટર ઘટના સ્થળે તાત્કાલિક પોહંચી ગયા હતા અને આગને કાબુ માં લેવાની કામગીરી કરી હતી.
એક થી દોઢ કલાકની જહમહેનત બાદ આગ કાબુ માં આવી હતી. આ આગમાં તૈયાર કોટન ફાયબરનો મોટો જથ્થો બળીને ખાક થઇ ગયો હતો જેમાં કારખાના ના કમ્પાઉન્ડમાં એક ગોડાઉન રૂમમાં પડેલ કોટન ફાયબર રૂ નો મોટો જથ્થો બળી જવા પામેલ છે. કેટલું નુકસાન થયું એની હજુ સુધી કોઇ ચોક્કસ માહિતી મળી નથી. જો કે બળી ગયેલા માલને જોતા લાગે છે કે લાખોમાં નુકસાન થયું હશે.
આગ ક્યાં કારણો સર લાગી એની હજુ સુધી કોઇ જાણકારી બહાર આવી નયતી. મેદાનમાં પડેલા તૈયાર રૂ માં થી શરૂ થયેલ આગ દિવાળીના ફટાકડા થી થઈ હોવાનું અનુમાન છે જો કે આ આગ થી કોઈ જાન હાનિ થઇ નથી.