ઘટના / બોનસના પૈસા મળતા યુવાને બોલાવી કોલગર્લ, 'મજા' માણતા પહેલા બન્યું એવું કે જીવનભર યાદ રહેશે

• જયપુરના એક યુવાને બોલાવી ઓનલાઈન કોલગર્લ
• કોલગર્લની સાથે આવેલા દલાલે યુવકનું કર્યું અપહરણ
• યુવાન પાસેથી લૂંટી લીધા 1 લાખ રોકડા
• સુમસામ જગ્યાએ યુવાનને છોડીને ભાગ્યા બદમાશ 

દિવાળીના તહેવારોમાં બોનસના પૈસાથી લોકો જાતજાતની ખરીદી કરતા હોય છે. કોઈ સારે ઠેકાણે તો વળી કોઈ અવળે રસ્તે બોનસના પૈસા વાપરી નાખતા હોય છે. આવો જ એક કિસ્સો રાજસ્થાનના જયપુરમાં બન્યો છે. 

ઓનલાઈન કોલગર્લનું બુકિંગ કરાવ્યું 

જયપુરમાં રહેતા એક યુવાનને 1 લાખનું દિવાળી બોનસ મળ્યું. યુવાનને કબુદ્ધિ સુઝી કે તેણે 10,000 માં એક ઓનલાઈન કોલગર્લનું બુકિંગ કરાવ્યું. બધુ નક્કી પણ થયું હતું. યુવાનને વોટ્સએપમાં હોટલનું એડ્રેસ પણ મળી ગયું હતું. વોટ્સએપમાં શેર થયેલા એડ્રેસ પર યુવાન સમયસર હાજર થઈ ગયો હતો. પરંતુ પછી તો કંઈક અવળું જ બન્યું. 

યુવાન પાસે 1 લાખ રુપિયા જોઈને બદમાશોની દાનત બગડી 

યુવાન જ્યારે હોટલમાં કોલગર્લની રાહ જોઈને બેઠો હતો બરાબર ત્યારે કોલગર્લની સાથે દલાલ બનીને આવેલા બદમાશો યુવકને કિડનેપ કરીને બહાર લઈ ગયા હતા અને તેની પાસેથી 1 લાખ રુપિયા લૂંટીને ફરાર થઈ ગયા હતા. આ ઘટના બિકાનેરના વતની ભગીરથ ગોદરા સાથે બની હતી. તે જયપુરની એક ખાનગી શૈક્ષણિક સંસ્થામાં કામ કરે છે. તાજેતરમાં જ તેમને પગાર સાથે દીપાવલી બોનસ મળ્યું હતું. આ પૈસાથી મસ્તી કરવાના ઇરાદસાથે ભગીરથે ઓનલાઇન એસ્કોર્ટ સર્વિસ વેબસાઈટ દ્વારા કોલ ગર્લની માગણી કરી હતી.આ કોલગર્લની ડિલિવરી મહેશ નગર વિસ્તારમાં ગોપાલપુરા બાયપાસ રોડ પર રાત્રે 9.30 વાગ્યે થવાની હતી.

બદમાશોએ યુવાનનું અપહરણ કર્યું, અવાવરુ જગ્યાએ લઈ જઈને 1 લાખ લૂંટી લીધા 

ભગીરથ પોતાની કાર સાથે પેમેન્ટ કેશ લેવા પહોંચ્યો હતો અને બિઝનેસમાં ઇ-પેમેન્ટ જોખમમાં હતું. કોલગર્લ સાથે બે યુવકો ડિલિવરી માટે પહોંચ્યા હતા. ભગીરથના જણાવ્યા મુજબ બદમાશોની કારમાં બે છોકરીઓ પણ બેઠી હતી. ભગીરથે કોલગર્લ્સ સપ્લાય કરતા દલાલોને દર નક્કી થાય ત્યારે ઈ-પેમેન્ટ કરવા કહ્યું હતું, પરંતુ દલાલોએ તેમને રોકડમાં ચુકવણી કરવા જણાવ્યું હતું. તેમણે કહ્યું કે ઇ-પેમેન્ટ આ વ્યવસાય માટે ખતરો છે.