ઘાતક બેક્ટેરિયા / 10માંથી 9 લોકોના શરીરમાં છૂપાઇને બેઠો છે આ ઘાતક બેક્ટેરિયા! ભૂલ કરી તો ગયા કામથી, રહેજો એલર્ટ!

ક્ષય રોગ એટલે કે ટીબી રોગ, છેલ્લા કેટલાક દાયકાઓથી આ રોગ ભારતમાં લોકો માટે જોખમ બની રહ્યો છે. દેશમાં લાખો લોકો ટીબીથી પીડિત છે અને આ જીવલેણ રોગને કારણે દર વર્ષે હજારો લોકો જીવ ગુમાવે છે. સરકાર લાંબા સમયથી ભારતને ટીબી મુક્ત બનાવવાનો પ્રયાસ કરી રહી છે, પરંતુ હજુ સુધી સ્થિતિમાં કોઈ સુધારો થયો નથી. તાજેતરમાં, કેન્દ્ર સરકાર દ્વારા એક નિવેદન જારી કરવામાં આવ્યું છે જેમાં કહેવામાં આવ્યું છે કે, આ વર્ષે જાન્યુઆરી થી ઓક્ટોબર વચ્ચે લગભગ 21.69 લાખ ટીબીના કેસ નોંધાયા છે.

કેન્દ્રીય આરોગ્ય અને પરિવાર કલ્યાણ રાજ્ય મંત્રી અનુપ્રિયા પટેલે રાજ્યસભામાં જણાવ્યું હતું કે, 2020માં ટીબીના કેસ 18.05 લાખ હતા, જે વર્ષ 2023માં વધીને 25.52 લાખ થઈ શકે છે. વર્ષ 2024માં જાન્યુઆરી થી ઓક્ટોબર વચ્ચે લગભગ 21.69 લાખ ટીબીના કેસ નોંધાયા છે. સરકારનું લક્ષ્ય 2025 સુધીમાં ટીબીને નાબૂદ કરવાનું છે. જો કે, ટીબીના દર્દીઓની સંખ્યાને જોતા લાગે છે કે આ થવું મુશ્કેલ છે.

વધુ વાંચો મોડી રાત્રે ઊંઘનારા ચેતે, લેવાના દેવા પડી જશે! નુકસાન સૌથી ઘાતક

ટીબી રોગ માયોબેક્ટેરિયમ ટ્યુબરક્યુલોસિસ નામના બેક્ટેરિયાથી થાય છે. આ બેક્ટેરિયા વાતાવરણ થકી ફેલાય છે. આ બેક્ટેરિયા લગભગ 90% લોકોના શરીરમાં પહોંચી ગયો છે. જો કે, જ્યાં સુધી રોગ પ્રતિકારક શક્તિ મજબૂત રહે છે ત્યાં સુધી ટીબીના બેક્ટેરિયા દબાયેલા રહે છે. જ્યારે રોગ પ્રતિકારક શક્તિ નબળી પડે છે ત્યારે જ આ બેક્ટેરિયા શરીર પર હુમલો કરે છે. આ પછી લોકોને ટીબીનો રોગ થાય છે. ટીબી શરીરના કોઈપણ ભાગમાં થઈ શકે છે.

પલ્મોનોલોજિસ્ટે જણાવ્યું કે, આ રોગના મોટાભાગના દર્દીઓ પલ્મોનરી ટીબીના હોય છે. ફેફસાંનો ટીબી ઓળખવો સરળ છે અને તેના માટે ઘણા પ્રકારના ટેસ્ટ પણ ઉપલબ્ધ છે, પરંતુ શરીરના અન્ય ભાગોના ટીબીનું નિદાન કરવું મુશ્કેલ છે. ટીબીના રોગને મટાડવા માટે લાંબા સમય સુધી એન્ટિબાયોટિક્સ લેવાની જરૂર છે. ટીબી માટે એન્ટિબાયોટિક્સ અલગથી ઉપલબ્ધ હોય છે, જે લગભગ 6 થી 9 મહિના સુધી લેવી પડે છે. જો ટીબીનો રોગ તેના પ્રારંભિક તબક્કામાં શોધી કાઢવામાં આવે છે, તો તે સારવાર દ્વારા મટાડી શકાય છે. જો તે ખૂબ ફેલાય છે, તો તે જીવલેણ બની શકે છે.

ડૉ.ભગવાન મંત્રીએ જણાવ્યું કે, જો કોઈ વ્યક્તિને લાંબા સમયથી ખાંસી થતી હોય અથવા કોઈ અસામાન્ય લક્ષણોનો અનુભવ થતો હોય તો તેણે તરત જ ડોક્ટરની સલાહ લેવી જોઈએ. જો ડોક્ટર દ્વારા આપવામાં આવેલી દવા રાહત આપતી નથી, તો પછી પલ્મોનોલોજિસ્ટની સલાહ લેવી જોઈએ. ભારતમાં ટીબી નાબૂદ ન થવાનું મુખ્ય કારણ મલ્ટિડ્રગ-રેઝિસ્ટન્ટ ટીબી (MDR-TB) છે. આના માટે અલગથી સારવાર લેવી પડે છે. લોકો ટીબી પ્રત્યે બેદરકાર છે અને સમયસર નિદાન નથી કરતાં, આ જ કારણ છે કે ભારતમાં ટીબીના લાખો કેસ છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ