જાણવા જેવું / શું તમે જાણો છો ભારતીય સેનાની ગાડીઓમાં નંબર પ્લેટમાં હોય છે તીરની નિશાની, જાણો એનો અર્થ

• ભારતીય સેનાની ગાડીઓમાં હોય છે અલગ નંબર પ્લેટ 
• સેનાની ગાડી  માટે અલગ હોય છે કાયદો 
• ગાડીઓની સંપૂર્ણ વિગતો સંરક્ષણ મંત્રાલય પાસે હોય છે

ભારતીય આર્મીની ગાડીઓ
ઇન્ડિયન આર્મી વિશ્વની શ્રેષ્ઠ સેનાઓમાંની એક માનવામાં આવે છે. સૈનિકોના પ્રદર્શનના કિસ્સાઓ વિશ્વભરમાં પ્રખ્યાત છે. ભારતીય સેનાના સૈનિકો યુદ્ધના મેદાનમાં દુશ્મનો પર કાળ બનીને તૂટી પડે છે. આપણી સેનાના વીર જવાનોએ ક્યારેય ભારત માતાના મસ્તકને ઝૂકવા નથી દીધું. પરંતુ શું તમે જાણો છો કે ભારતીય સેના વિશે એવી ઘણી વાતો છે જે આપણે જાણતા નથી. આજે અમે તમને એક એવી ખાસ વાત જણાવવા જઈ રહ્યા છીએ જેના વિશે જાણીને તમે ચોંકી જશો. આવો જાણીએ આપણી સેનામાં શું છે ખાસ.

ભારતીય સેનાના વાહનો માટે એક અલગ કાયદો છે
આજે અમે તમને ભારતીય સેનાના વાહનો સાથે જોડાયેલી ખાસ વાત જણાવવા જઈ રહ્યા છીએ. તમને કદાચ ખબર નહીં હોય કે દેશમાં ગાડીના ટ્રાફિક માટેના કાયદા સેનાના વાહનો પર લાગુ પડતા નથી. રક્ષા મંત્રાલયે સેનાના વાહનો માટે અલગ કાયદા બનાવ્યા છે. સાથે જ આ ગાડીઓની સંપૂર્ણ વિગતો સંરક્ષણ મંત્રાલય પાસે પણ છે.

આ રીતે લખાય છે નંબર
તમે જોયું હશે કે ભારતીય સેનાની ગાડીઓની નંબર પ્લેટ પર તીરનું નિશાન છે. ત્યાર બાદ બાકીના નંબર લખવામાં આવે છે. આ તીર ઉપરની તરફ બનાવવામાં આવે છે. એક રિપોર્ટ મુજબ આ તીરનું નિશાન પ્રથમ કે ત્રીજું હોઈ શકે છે. આ પછી જે વર્ષમાં સેનાને તે કાર મળી તેના છેલ્લા બે અંકો લખવામાં આવે છે. આ પછી બેઝ કોડ લખવામાં આવે છે અને પછી સિરિયલ નંબર આપવામાં આવે છે.

નંબર પ્લેટ પર તીર લગાવવાનો આ ખાસ અર્થ
સેનાની ગાડીઓની નંબર પ્લેટ પર તીરના નિશાનને બ્રોડ એરો કહેવામાં આવે છે. નંબર પ્લેટ પર આવા તીરના નિશાન આજે પણ બ્રિટિશ કોમનવેલ્થમાં વપરાય છે. એરોનું નિશાન નંબર પ્લેટ પર એટલે મૂકવામાં આવે છે જેથી અકસ્માતે કાર પલટી જાય તો તેનો નંબર સરળતાથી વાંચી શકાય.