ના હોય! / રશિયા યુક્રેન વચ્ચે ભારતમાં પાંગર્યો પ્રેમ! હિન્દુ રીત રિવાજથી કપલે કર્યા લગ્ન

• રશિયા યુક્રેન વચ્ચે ભારતમાં પાંગર્યો પ્રેમ
• કપલે રીતિ-રિવાજ સાથે કર્યા લગ્ન 
• હિમાચલમાં કર્યા લગ્ન 

રશિયા અને યુક્રેન અત્યારે એકબીજાના જીવના દુશ્મન છે. બંને દેશો વચ્ચે લાંબા સમયથી ચાલી રહેલા યુદ્ધમાં હજારો નાગરિકો માર્યા ગયા છે. પરંતુ તેમ છતાં ત્યાંના સામાન્ય લોકોના મનમાં એકબીજા પ્રત્યેનો પ્રેમ ઓછો થયો નથી. હિમાચલ પ્રદેશના ધર્મશાળામાં એક કિસ્સો સામે આવ્યો છે જ્યાં મંગળવારે રશિયાના એક યુવક અને યુક્રેનની એક યુવતીએ હિંદુ રીતિ-રિવાજ પ્રમાણે લગ્ન કર્યા.

અગ્નિને સાક્ષી માની ફર્યા ફેરા 
બંનેએ અગ્નિને સાક્ષી માની ફેરા ફર્યા. એકબીજાનો જીવનભર સાથ આપવાની પ્રતિજ્ઞા લીધી એટલું જ નહીં. મંત્રોચ્ચાર પણ કર્યા. બંને પ્રેમીઓએ નારાયણ મંદિર દિવ્ય આશ્રમ ખડોટા ખાતે લગ્ન કર્યા હતા અને ત્યારબાદ ભગવાનના આશીર્વાદ લીધા હતા. બંનેના લગ્નમાં સ્થાનિક લોકો જાનૈયા અને કન્યા પક્ષ બન્યા હતા અને લગ્નની શુભેચ્છા પાઠવી હતી.

મકલોડગંજમાં રહેતા થયો પ્રેમ 
બંનેના લગ્ન દિવ્ય આશ્રમ ખડોટાના પ્રસિદ્ધ પંડિત સંદીપ શર્મા દ્વારા કરાવવામાં આવ્યા. જ્યારે વિનોદ શર્મા અને તેમના પરિવારે કન્યાદાન દાન કરીને તમામ વૈવાહિક કાર્ય પૂર્ણ કરવામાં મહત્વની ભૂમિકા ભજવી હતી. 

મૂળ રશિયાના રહેવાસી સર્ગેઈ નોવિકોવ જેમણે હવે ઈઝરાયેલનું નાગરિકત્વ મેળવ્યું છે અને યુક્રેનની રહેવાસી એલોના બ્રામોકા હવે એકબીજાના થઈ ચુક્યા છે. બંને લાંબા સમયથી ધર્મશાળાના મેકલોડગંજમાં રહે છે. અહીં રહેતા બંને એકબીજાની નજીક આવ્યા અને બંનેએ લગ્ન કરી લીધા. 

લગ્ન સમારોહમાં રહેતા લોકો માટે કાંગડી ધામનું પણ આયોજન કરવામાં આવ્યું હતું. આ સાથે લોક વાદ્ય વિન બાજેમાં વર-કન્યા સાથે ઉપસ્થિત તમામ લોકોએ ગદિયાળી ગીતોમાં પણ ડાન્સ કર્યો હતો. લગ્ન પછી બંને ખૂબ જ ખુશ છે.