Independence Day 2021 / વાહ! ગુજરાતમાં ક્યાંક મધદરિયે રાષ્ટ્રધ્વજને અપાઈ સલામી તો ક્યાંક દિવ્યાંગો માટે કરાઈ વિશેષ વ્યવસ્થા 

• અમદાવાદમાં રિવરફ્રન્ટ ખાતે સ્વાતંત્ર્ય પર્વની ઉજવણી
• અનેક જિલ્લાઓમાં પાવન પર્વની એનોખી રીતે ઉજવણી
• પોરબંદરમાં મધ દરિયે જઈ રાષ્ટ્રધ્વજને આપી સલામ 

આજે દેશના વિવિધા ભાજપમાં રાષ્ટ્રીય પર્વની ઉજવણી કરવામાં આવી રહી છે ત્યારે ગુજરાતમાં પણ અનેક જિલ્લાઓમાં સ્વાતંત્ર્ય પર્વની ઉજવણી કરવામાં આવી, અમદેવાદ રિવરફ્રન્ટ ખાતે શહેરીજનોએ 75માં સ્વાતંત્ર્ય દિવસની ઉજવણી કરી, ફીટ અને હેલ્થી ઈન્ડિયાના મેસેજ સાથે શહેરીજનો ઉજવણીમાં જોડાયા હતા. સ્વતંત્ર્ય પર્વ નિમિતે શહેરમાં રિવરફ્રન્ટ ખાતે આજે વોકાથોનનું આયોજન કરવામાં આવ્યું જેમાં મોટી સંખ્યમાં શહેરીજનોએ ભાગ લીધો હતો. 

અનેક જિલ્લાઓમાં પાવન પર્વની એનોખી રીતે ઉજવણી

મહેસાણા અને બનાસકાંઠામાં સ્વતંત્રતા દિવસની ઉજવણી કરવામાં આવી હતી. પોલીસ પરેડ ગ્રાઉન્ડ ખાતે મંત્રી કુંવરજી બાવળિયાએ રાષ્ટ્રધ્વજને સલામી આપી રાષ્ટ્રીય પર્વની ઉજવણી કરી હતી. મહત્વનું છે કે  આ વખતે સૌપ્રથમ વખત સાંકેતિક ભાષા તજજ્ઞ રાખી મુકબધીરો પણ રાષ્ટ્રીય પર્વની ઉજવણી કરી શકે તેવું આયોજન કરવામાં આવ્યું હતું  જેમાં કાર્યક્રમને સાંકેતિક ભાષામાં પણ રજૂ કરવામાં આવ્યો હતો. બનાસકાંઠા જિલ્લામાંમંત્રી વાસણ આહીરે ધ્વજવંદન કરી રાષ્ટ્રીય પર્વની ઉજવણી કરી જેમાં અધિકારીઓ અને પદાધિકારીઓની હાજરીમાં ઉજવણી કરવામાં આવી હતી.
 

પોરબંદરમાં મધ દરિયે જઈ રાષ્ટ્રધ્વજને આપી સલામ 

પોરબંદરમાં પણ ચોપાટી ખાતે શ્રીરામ સી સ્વિમિંગ ક્લબ દ્વારા મધદરિયે ધ્વજવંદન કરી સ્વતંત્ર પર્વની અનોખી રીતે ઉજવાની કરવામાં આવી હતી.
 

ઉલ્લેખનિય છે કે છેલ્લા 21 વર્ષથી શ્રી રામ સ્વિમિંગ ક્લબના યુવાનો,વૃદ્ધ ,બાળકો અને મહિલાઓ  પ્રજાસત્તાક પર્વ અને સ્વતંત્રતા પર્વના દિવસે  સમુદ્રના તોફાની દરિયામાં મધ દરિયે જઈને રાષ્ટ્રનો ધ્વજ લહેરાવી રાષ્ટ્ર ગાન કરી ઉજવણી કરવામાં આવે છે. ત્યારે આ વખતે પણ મધ ધરિયે જઈને 75માં સ્વાતંત્ર્ય પર્વની ઉજવણી કરવામાં આવી હતી.

વલસાડમાં ધોધમાર વરસાદ વચ્ચે ઉજવણી 

આ તરફ વલસાડમાં ધોધમાર વરસાદ વચ્ચે 75માં સ્વતંત્રતા પર્વની ઉજવણી કરવામાં આવી હતી. વલસાડના આર.પી.એફ ગ્રાઉન્ડમાં સ્વતંત્રતા દિવસની ઉજવણી 75માં સ્વાતત્ર્ય પર્વની અનોખી રીતે ઉજવણી કરવામાં આવી જેમાં મંત્રી રમણ પાટકરે રાષ્ટ્રધ્વજ લહેરાવીને ધ્વજને સલામી આપી સૌ કોઈને સ્વાતંત્ર્ય પર્વની શુભેચ્છાઓ આપી હતી, તો ધોધમાર વરસાદ પડી રહ્યો હોવા છતા પોલીસ જવાનો અડીખમ રહ્યા હતા.