ઔદ્યોગિક મીઠાના નામે પોટાશની ગેરકાયદે નિકાસ મામલે ચાલી રહી છે તપાસ, CBIએ 15 શખ્સો વિરુદ્ધ દાખલ કર્યો છે ગુનો
ગુજરાતમાં CBIની ટીમ અલગ અલગ જગ્યાઓએ ત્રાટકી
ગાંધીધામ, ડીસા અને વડોદરામાં CBIના દરોડા
કુલ 52.8 કરોડની સબસિડીની શખ્સોએ ઠગાઇ કરી
ગુજરાતના ટ્રેડર્સ અને એગ્રો સેન્ટરના માલિકો હાલ CBIની રડારમાં છે.. રાજ્યમાં CBIની ટીમ અલગ અલગ ત્રણ જગ્યાઓએ ત્રાટકી છે. ગાંધીધામ, ડીસા અને વડોદરામાં દરોડા પાડી સર્ચ ઓપરેશન CBIએ સર્ચ હાથ ધર્યું છે.
કયા કયા CBIની રેડ?
ગાંધીધામમાં ભવાની રોડલાઇન્સ અને તેના માલિકના ઘરે, વડોદરામાં કુસુમ ટ્રેડર્સ અને તેના માલિક નીતિન શાહને ત્યાં તેમજ ડીસામાં શરદ એગ્રો સેન્ટરના માલિક શરદ કક્કડને ત્યાં CBIએ તપાસ શરૂ કરી છે.
BIG BREAKING: ગાંધીધામમાં ભવાની રોડલાઇન્સ, વડોદરામાં નીતિન શાહ, કુસુમ ટ્રેડર્સના માલિક નીતિન શાહ, ડીસામાં શરદ કક્કડને ત્યાં CBIના દરોડા, પોટાશની ગેરકાયદેસર નિકાસ મામલે ચાલી રહી છે તપાસ#Vadodara#PotashScamCase#CBIRaidshttps://t.co/JUBaKF7W7b
— VTV Gujarati News and Beyond (@VtvGujarati) June 17, 2022
કેમ CBIએ પાડયા દરોડા?
દેશભરમાં 15થી વધુ સ્થળો પર CBIની મેગા સર્ચ ઓપરેશન ચાલુ છે. જેમાં ગુજરાત, રાજસ્થાન, પશ્ચિમ બંગાળના પોટાશની નિકાસ કરતાં ટ્રેડર્સ પર ગાળિયો કસાયો છે.CBI સુધી ફરિયાદો મળી હતી કે પોટાશની નિકાસમાં ધાંધલી થઈ રહી છે. આ કાળા કારોબારને છતો કરવા CBIએ 15 શખ્સો વિરુદ્ધ ગુનો દાખલ કરી આ કાર્યવાહી હાથ ધરી છે.
52.8 કરોડની સબસિડી ચાઉ કરી
આપને એ પણ જાણાવી દઈએ કે CBIએ જે 15 શખ્સો વિરુદ્ધ ગુનો દાખલ કરી તેમના ફર્મ અને ઘરે રેડ કરે છે તે તમામે ઔદ્યોગિક મીઠાના નામે પોટાશની ગેરકાયદેસર નિકાસ કરી હોવાની શંકા છે. જેની તપાસ ચાલી રહી છે. પોટાશની નિકાસ માટે સરકારની મંજૂરી જરૂરી છે પણ ઔદ્યોગિક મીઠાની આડમાં કાળો કારોબાર થયો હોય તેની ગંધ આવી રહી છે.કૂલ 52.8 કરોડની સબસિડીની શખ્સોએ ઠગાઇ કરી હોવાની તપાસમાં ખૂલ્યું છે.એક્સાઇઝના અધિકારીઓની પણ સંડોવણી હોવાની આશંકા છે.